ଅନୁଗୋଳ: ଜାତୀୟ ଶିକ୍ଷାନୀତି 2020 ଅନୁସାରେ 20ରୁ କମ ଛାତ୍ରଛାତ୍ରୀ ଥିବା ସ୍କୁଲକୁ ବନ୍ଦ ନିଷ୍ପତ୍ତିକୁ ବିରୋଧ କରିଛି ଏସୟୁସିଆଇ । ଏ ନେଇ ଅନୁଗୋଳ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ ହୋଇଛି ।
ରାଜ୍ୟରେ 14ହଜାର 339ଟି ସ୍କୁଲ ଓ 14ଟି ସରକାରୀ ବି. ଏଡ କଲେଜକୁ ବନ୍ଦ ନିଷ୍ପତ୍ତିକୁ ବିରୋଧ କରିଛି ଏସୟୁସିଆଇ ଦଳ । ଗାଁରେ ଥିବା ସ୍କୁଲ ଗୁଡିକୁ ଏବେ ସରକାର ବନ୍ଦ କରିବାକୁ ନିଷ୍ପତ୍ତି ନେଇ ଥିବାରୁ ତା ବିରୁଦ୍ଧରେ ସ୍ବରର ଉଠାଇଛନ୍ତି ମାଟିଆ ସାହି , ବଲଙ୍ଗ, ତଲସିରା, ଟୁଲୁକା ଆଦି ଗାଁ ଲୋକେ। ସ୍କୁଲ ତାଙ୍କ ମା ତାକୁ ବନ୍ଦ ନ କରିବାକୁ ଜୋରଦାର ଦାବି ହୋଇଛି ।
କମ୍ୟୁନିଷ୍ଟ ଡାକରାରେ ସେମାନେ ଆନ୍ଦୋଳନକୁ ଓହ୍ଲାଇ ତାଙ୍କ ସ୍କୁଲକୁ ତାଙ୍କୁ ଫେରାଇ ଦେବାକୁ ଦାବି କରିଛନ୍ତି। ଜିଲ୍ଲାର 200 ରୁ ଅଧିକ ପ୍ରାଥମିକ ବିଦ୍ୟାଳୟର ବନ୍ଦ କରିବାକୁ ହୋଇଥିବା ନିର୍ଦ୍ଦେଶନାମାକୁ ପ୍ରତ୍ୟାହାର ଦାବିରେ ରାସ୍ତାକୁ ଓହ୍ଲାଇଛି ଏସୟୁସିଆଇ ଦଳ ।
ଜିଲ୍ଲାପାଳଙ୍କ ଅଫିସ ସମ୍ମୁଖରେ ପ୍ରତିବାଦ ପୂର୍ବରୁ ଏକ ବିକ୍ଷୋଭ ଶୋଭାଯାତ୍ରାରେ ଆନ୍ଦୋଳନକାରୀ ସହର ପରିକ୍ରମା କରିଛନ୍ତି । ଦଳ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଏକ ଦାବି ପତ୍ର ମଧ୍ୟ ପ୍ରଦାନ କରାଯାଇଛି ।
ଅନୁଗୋଳରୁ ସଂଗ୍ରାନ ରଞ୍ଜନ ନାଥ, ଇଟିଭି ଭାରତ
