ଅନୁଗୋଳ: ପଞ୍ଚାୟତ ନିର୍ବାଚନ ପାଇଁ ଅନୁଗୋଳରେ ଦିନକୁ ଦିନ ପ୍ରାର୍ଥୀପତ୍ର ଦାଖଲକାରୀଙ୍କ ସଂଖ୍ୟା ବୃଦ୍ଧି ପାଉଛି । ଆଜି(ବୁଧବାର) ଗୋଟିଏ ଦିନରେ ଦାଖଲ ହୋଇଛି 2773 ନାମାଙ୍କନ ପତ୍ର । ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଜୋରସୋରରେ ଚାଲିଛି ପ୍ରାର୍ଥୀପତ୍ର ଦାଖଲ ।
ଉପଜିଲ୍ଲାପାଳଙ୍କ ନିକଟରେ ଜିଲ୍ଲାପରିଷଦ ପ୍ରାର୍ଥୀମାନେ ସେମାନଙ୍କ ପ୍ରାର୍ଥୀପତ୍ର ଦାଖଲ କରୁ ଥିବାବେଳେ ବିଭିନ୍ନ ପଞ୍ଚାୟତଗୁଡିକରେ ସରପଞ୍ଚ ଏବଂ ୱାର୍ଡ ମେମ୍ବର ପ୍ରାର୍ଥୀମାନେ ନାମାଙ୍କନ ପତ୍ର ଦାଖଲ କରୁଛନ୍ତି । ସେହିପରି ବ୍ଲକ କାର୍ଯ୍ୟାଳୟଗୁଡିକରେ ସମିତି ସଭ୍ୟମାନଙ୍କ ନାମାଙ୍କନ ପତ୍ର ଦାଖଲ ଚାଲିଛି ।
ଦାଖଲର ତୃତୀୟ ଦିନ ସୁଧା ଜିଲ୍ଲାପରିଷଦ ପ୍ରାର୍ଥୀ ୩୮, ସରପଞ୍ଚ ପ୍ରାର୍ଥୀ ୪୦୧, ସମିତି ସଭ୍ୟ ପ୍ରାର୍ଥୀ ୨୫୭ ଏବଂ ୱାର୍ଡ ମେମ୍ବର ୨୦୭୭ ଏହିପରି ମୋଟ ୨୭୭୩ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ଆହୁରି ୨ ଦିନ ବାକି ଥିବାରୁ ଆସନ୍ତା ୨୦ ଏବଂ ୨୧ତାରିଖ ପ୍ରାର୍ଥୀପତ୍ର ଦାଖଲ ପାଇଁ ଲମ୍ବା ଲାଇନ ଲାଗିବାର ଆଶଙ୍କା ରହିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
