ଅନୁଗୁଳ: ସାତକୋଶିଆ ଅଭୟାରଣ୍ୟରେ ଏକ ମାଖନା ହାତୀର ମୃତ୍ୟୁ ଘଟିଛି । ଅଭୟାରଣ୍ୟର ଜୁକୁବୁ ରିଜର୍ଭ ଫରେଷ୍ଟ ଅଞ୍ଚଳରେ ହାତୀଟିର ମୃତ ଦେହ ପଡିଥିବା ଦେଖାଯାଇଛି । ବୟସାଧିକ କାରଣରୁ ହାତୀଟି ଦୀର୍ଘଦିନ ଧରି ଅସୁସ୍ଥ ଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ମୃତ ହାତୀଟି ସାତକୋଶିଆ ଓ ଅନୁଗୋଳ ବନଖଣ୍ଡ ଅଞ୍ଚଳର ଏକ ମାତ୍ର ମାଖନା ହାତୀ ଥିଲା । ଗତ 15 ଦିନରୁ ଅଧିକ ସମୟ ଧରି ହାତୀଟି ଅସୁସ୍ଥ ଥିଲା । ହାତୀଟିର ବୟସ ପ୍ରାୟ 60 ବର୍ଷରୁ ଅଧିକ ହେବ । ହାତୀଟିର ବାର୍ଦ୍ଧକ୍ୟ କାରଣରୁ ମୃତ୍ୟୁ ହୋଇଥିବା ବନ ବିଭାଗ ସୂଚନା ଦେଇଛି ।
ବନ ବିଭାଗର ଚିକିତ୍ସା ଅବହେଳା କାରଣରୁ ହାତୀଟି ଜୀବନ ହାରିଥିବା ଅଭିଯୋଗ ହୋଇଛି । ଆଜି ବିଭାଗୀୟ ଅଧିକାରୀ ଘଟଣା ସ୍ଥଳରେ ପହଞ୍ଚି ଶବକୁ ବ୍ୟବଚ୍ଛେଦ କରିବା ପରେ ପୋତି ଦେଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
