ଅନୁଗୋଳ: ଶୌଚ ପାଇଁ ଯାଇଥିବାବେଳେ ଭାଲୁ ଆକ୍ରମଣର ଜଣେ ଗୁରୁତର । ଗୁରୁତରଙ୍କୁ ଡାକ୍ତର ଖାନାରେ ଭର୍ତ୍ତି କରାଯାଇଛି । ଅନୁଗୋଳ ଜିଲ୍ଲା ଛେଣ୍ଡିପଦା ଟାକୁଆ ଗାଁ ପାଖରେ ଏହି ଘଟଣା ଘଟିଛି । ଗୁରୁତର ଜଣଙ୍କ ଉକ୍ତ ଗାଁର କୁସୁମ ସାହିରର ଲମ୍ବୋଦର ସାହୁ ।
ଭିଡିଓ ସୌଜନ୍ୟ-ସମ୍ବାଦଦାତା, ଅନୁଗୋଳ
ବୁଧବାର ସକାଳେ ଲମ୍ବୋଦର ଘର ଠାରୁ ୧୦୦ମିଟର ଦୂରରେ ଥିବା ପଡିଆକୁ ଶୌଚ ହେବା ପାଇଁ ଯାଉଥିଲେ । ଏହି ସମୟରେ ଏକ ଭାଲୁ ଆସି ତାଙ୍କୁ ଆକ୍ରମଣ କରିଥିଲା । ସେ ଚିତ୍କାର କରିବାରୁ ସେହି ରାସ୍ତା ଦେଇ ଯାଉଥିବା ଲୋକେ ଦୌଡି ଆସିବା ପରେ ଭାଲୁ ଘଟଣାସ୍ଥଳରୁ ପଲାଇଯାଇଥିଲା । ପରେ ସ୍ଥାନୀୟ ଲୋକ ଏକ ମଟର ସାଇକେଲ ଯୋଗେ ଲମ୍ବୋଦରଙ୍କୁ କୋଶଳ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି । ତାଙ୍କ ଡାହାଣ ହାତ ,ବାମ ହାତ ଓ ଆଣ୍ଠୁରେ ଗଭୀର ଆଘାତ ଲାଗିଥିବା ବେଳେ ବର୍ତ୍ତମାନ ସେ ସୁସ୍ଥ ଥିବା ଜଣାପଡିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ରଥ, ଇଟିଭି ଭାରତ
