ଅନୁଗୋଳ: ଥମୁନି ହାତୀ ଉପଦ୍ରବ । ଖମାର ଥାନା ରଜଡଙ୍ଗ ଗ୍ରାମରେ ଦନ୍ତା ହାତୀ ଆକ୍ରମଣରେ ଜଣଙ୍କ ମୃତ୍ୟୁ ଘଟିଛି । ହାତୀଟି ଘରେ ପଶି ବୃଦ୍ଧଙ୍କୁ ଦଳି ଦେଇଥିବା ଜଣାପଡ଼ିଛି । ଘଟଣାସ୍ଥଳରେ ବନବିଭାଗ ପହଞ୍ଚି ତଦନ୍ତ ଆରମ୍ଭ କରିଛି ।
Elephant Terror in Anugul: ଘରେ ପଶି ଦଳିଲା ଦନ୍ତା, ବୃଦ୍ଧ ମୃତ
ମିଳିଥିବା ସୂଚନା ଅନୁସାରେ ଗତକାଲି(ସୋମବାର) ବିଳମ୍ବିତ ରାତିର ଏହି ଘଟଣା ଘଟିଛି । ଘରେ ଶୋଇଥିବା ବେଳେ ଗାଁରେ ପଶି ହାତୀ କରିଛି ଆକ୍ରମଣ । ମୃତକ ହେଉଛନ୍ତି ରଜଡଙ୍ଗ ଗ୍ରାମର ପିତାମ୍ଭର ସାମଲ ।
ସୂଚନା ମୁତାବକ ପିତାମ୍ଭର ଶୌଚ ପାଇଁ ବାହାରକୁ ଉଠିଥିବା ବେଳେ ହାତୀ ତାଙ୍କୁ ଦଳି ଦେଇଥିଲା । ଏହାପରେ ତାଙ୍କୁ ଗୁରୁତର ଅବସ୍ଥାରେ ଖମାର ଡାକ୍ତରଖାନା ଅଣାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ହୋଇଛି । ଏହାକୁ ନେଇ ଉତ୍ତେଜନା ଲାଗି ରହିଛି । ବନ ବିଭାଗ ଓ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
