ଅନୁଗୋଳ: ଜିଲ୍ଲାରେ କମିବାର ନାଁ ନେଉନାହିଁ ସଂକ୍ରମଣ । ପ୍ରତିଦିନ ଜିଲ୍ଲାରେ ପାଞ୍ଚ ଶହରୁ ଅଧିକ ସଂକ୍ରମଣ ଚିହ୍ନଟ ହେଉଛନ୍ତି ଯାହା ପ୍ରଶାସନର ମୁଣ୍ଡବିନ୍ଧାର କାରଣ ପାଲଟିଛି । ଜିଲ୍ଲା ପ୍ରଶାସନ ପକ୍ଷରୁ କଟକଣାକୁ ଜୋରଦାର କରାଯାଇଛି । ନିୟମ ମାନୁ ନଥିବା ଅମାନିଆଙ୍କୁ ପ୍ରଶାସନ ପକ୍ଷରୁ ଫାଇନ ଆଦାୟ କରାଯାଉଛି ।
ଦିନକୁ ଦିନ ସ୍ଥିତି ଗମ୍ଭୀର ହେବାରେ ଲାଗିଲେ ବି ଚେତୁ ନାହାନ୍ତି ଆମାନିଆ । ଜିଲ୍ଲାରେ କଟକଣା କିପରି ରହିଛି ଆଜି( ଶୁକ୍ରବାର ଉପଜିଲ୍ଲାପାଳଙ୍କ ନେତୃତ୍ୱରେ ଏକ ଟିମ ଅନୁଗୋଳ ସହର ସାରା ବୁଲି ବୁଲି ବ୍ୟାପକ ଚେକିଂ କରିଛି । ଯେଉଁମାନେ କଟକଣାକୁ ବେଖାତିର କରି ଦୋକାନ ଖୋଲିଥିଲେ ସେମାନଙ୍କ ଦୋକାନ ସିଲ କରିବା ସହ ଫାଇନ ଆଦାୟ କରାଯାଇଛି ।
ଅନୁମତି ନେଇ ଖୋଲି ଥିବା ଦୋକାନ ଗୁଡିକ ସମ୍ମୁଖରେ ଭିଡ ଓ ସାମାଜିକ ଦୂରତା ନଥିବା ଦେଖି କଡା ତାଗିଦ କରିଥିଲେ ଉପଜିଲ୍ଲାପାଳ । ରାସ୍ତାରେ ବିନା କାମରେ ଯାଉଥିବା ଲୋକଙ୍କ ଠାରୁ ମଧ୍ୟ ଫାଇନ ଆଦାୟ କରା ଯାଇଥିଲା । ସେମାନଙ୍କ ବାଇକ ମଧ୍ୟ ସିଜ କରାଯାଇଛି । ପୋଲିସ ଓ ପ୍ରଶାସନର କଡା ଆଭିମୁଖ୍ୟ ଗ୍ରହଣ ଫଳରେ ଅନେକ ଅମାନିଆ ସାବାଡ଼ ହୋଇଛନ୍ତି । ଏଭଳି ଏନଫୋର୍ସମେଣ୍ଟ ଆଗକୁ ମଧ୍ୟ ଚାଲୁ ରହିବ ବୋଲି କହିଛନ୍ତି ଉପଜିଲ୍ଲାପାଳ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
