ଅନୁଗୋଳ : ମହାନଦୀ କୋଲ କମ୍ପାନୀ ବା MCL ଏଥର ତାଳଚେର କୋଲ ଫିଲଡ଼ରୁ ଶହେ ମେଟ୍ରିକ ଟନ୍ କୋଇଲା ଉତ୍ପାଦନର ଲକ୍ଷ୍ୟ ରଖିଛି । ଏନେଇ MCL CMD ଗଣମାଧ୍ୟମକୁ ସୂଚନା ଦେଇଛନ୍ତି । ଚଳିତ ଆର୍ଥିକ ବର୍ଷ ୨୦୨୧-୨୨ ରେ କୋଇଲା ଉତ୍ପାଦନ ଓ ଯୋଗାଣ ଧାର୍ଯ୍ୟ ଲକ୍ଷ୍ୟ ହାସଲ ପାଇଁ କମ୍ପାନୀ ସମସ୍ତ ଉଦ୍ୟମ ଜାରି ରଖିଥିବା ପରିଚାଳନା ନିର୍ଦ୍ଦେଶକ ପ୍ରଭାତ କୁମାର ସିହ୍ନା ଗଣମାଧ୍ୟମକୁ କହିଛନ୍ତି ।
ସେହିପରି ତାଳଚେର କୋଲ ଫିଲ୍ସକୁ 3ଦିନିଆ ଗସ୍ତରେ ଆସିଥିବା CMD ସିହ୍ନା, MCL ନିଜର ଧାର୍ଯ୍ୟ ଲକ୍ଷ୍ୟକୁ ପୂରଣ କରିବାକୁ ବହୁତ ଭଲ ଭାବେ କାର୍ଯ୍ୟ ଜାରି ରଖିଥିବା କହିଛନ୍ତି । ତନ୍ମଧ୍ୟରେ ଉତ୍ପାଦନ ୧୬୩ ମିଲିୟନ ଟନ୍ ଏବଂ ଡେସପାଚ୍ ୧୮୨ ମିଲିୟନ ଟନ୍ ଚଳିତ ଆର୍ଥିକ ବର୍ଷ ପାଇଁ ଧାର୍ଯ୍ୟ କରାଯାଇଥିବା ସେ ସୂଚନା ଦେଇଛନ୍ତି । କୋଇଲା ଉତ୍ପାଦନ ଓ ପରିବହନର ନିୟମିତ ଯାଞ୍ଚ, କାର୍ଯ୍ୟଦକ୍ଷତା ସମୀକ୍ଷା ଏବଂ ବିଭିନ୍ନ CSR କାର୍ଯ୍ୟ, କର୍ମଚାରୀ ଓ ପାରିପାଶ୍ୱିର୍କ ଲୋକଙ୍କ ସହ ଜଡ଼ିତ ଅନ୍ୟାନ୍ୟ ସମସ୍ୟାର ସମାଧାନ କରିବାକୁ CMDଙ୍କ ଏହି ଗସ୍ତର ମୁଖ୍ୟ ଉଦ୍ଦେଶ୍ୟ ରହିଥିଲା । ଏହି ଗ୍ରସ୍ତ ସମୟରେ MCLର ସମସ୍ତ ନିର୍ଦେଶକ, ଜଗନ୍ନାଥ ଖଣିର ନିର୍ଦ୍ଦେଶକଙ୍କ ସମେତ ବରିଷ୍ଠ ପଦାଧିକାରୀ ଉପସ୍ଥିତ ଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
