ଅନୁଗୋଳ: ପ୍ରେମ ଓ ପରେ ପ୍ରତାରଣା । ଫଳସ୍ବରୂପ ଯୁବତୀ ଅନ୍ତସତ୍ବା । ଝିଅ ମା' ହେବା ଶୁଣି ଯୁବତୀଙ୍କ ମା' କରିଛନ୍ତି ଆତ୍ମହତ୍ୟା । ସେପଟେ ପ୍ରତାରଣା ପରେ ଯୁବକ ଫେରାର । ଏଭଳି ଅଭାବନୀୟ ଘଟଣା ଘଟିଛି ଜରପଡା ଥାନାର ତୁବେ ଗାଁରେ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସହାୟତା ପାଇଁ ପୋଲିସର ଆଶ୍ରୟ ନେଇଥିଲେ ମଧ୍ୟ ପୋଲିସ ସେମାନଙ୍କ କୌଣସି କଥା ଶୁଣିନାହିଁ । ପ୍ରକାଶଥାଉକି, ଯୁବତୀ ଜଣକ ସିଲେଇ ଶିଖିବାକୁ ଯାଉଥିବା ସମୟରେ ପାଖ ଗାଁ ଡେରଜାଙ୍ଗର ଯୁବକ ସୁବାସ ବେହେରାଙ୍କ ସହ ପ୍ରେମ ସମ୍ପର୍କ ରଖିଥିଲେ । ସମ୍ପର୍କର ପରିଣତି ସ୍ବରୂପ ଯୁବତୀ ଜଣକ ଛଅ ମାସର ଗର୍ଭବତୀ ।
ତେବେ ପୋଲିସ ସହାୟତା ନକରିବାରୁ ଅନୁଗୋଳ ଏସପି ଅଫିସରେ ଗୁହାରୀ କରିଛନ୍ତି । ଯଦି ଯୁବକକୁ ପୋଲିସ ନଧରେ ତେବେ ଯୁବତୀ ଆତ୍ମହତ୍ୟା କରିବେ ବୋଲି କହିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
