ବନ୍ଧୁକ ଦେଖାଇ କୋରିୟର କଣ୍ଟେନର ଗାଡିରୁ ଲୁଟ ଉଦ୍ୟମ

ବିଳମ୍ବିତ ରାତିରେ ଅନୁଗୋଳର 55 ନମ୍ବର ଜାତୀୟ ରାଜପଥରେ ଏହି ଘଟଣା ଘଟିଛି । 4 ଜଣ ଲୁଟେରା ଲୁଟ ପାଇଁ ଉଦ୍ୟମ କରୁଥିବାବେଳେ ଏଥିରେ ସଫଳ ହୋଇପାରି ନାହାଁନ୍ତି ।

ଅନୁଗୋଳ: କୋରିୟର କଣ୍ଟେନର ଗାଡିକୁ ଲୁଟ ଉଦ୍ୟମ । ଅନୁଗୋଳ ଥାନା ମୁଷାପାପୁଲି ନିକଟରେ ଏହି ଘଟଣା ଘଟିଛି । 4 ଜଣ ଲୁଟେରା ଲୁଟ ପାଇଁ ଉଦ୍ୟମ କରୁଥିବାବେଳେ ଏଥିରେ ସଫଳ ହୋଇପାରି ନାହାଁନ୍ତି ।

ଶନିବାର ବିଳମ୍ବିତ ରାତିରେ ଅନୁଗୋଳର 55 ନମ୍ବର ଜାତୀୟ ରାଜପଥରେ ଏହି ଘଟଣା ଘଟିଛି । 4ଜଣ ଲୁଟେରା ବନ୍ଧୁକ ଦେଖାଇ କୋରିୟର କଣ୍ଟେନର ଗାଡିକୁ ଅଟକାଇ ଲୁଟ ପାଇଁ ଉଦ୍ୟମ କରିଥିଲେ । ମାତ୍ର ଲୁଟ ଉଦ୍ୟମବେଳେ କିଛି ଗ୍ରାମବାସୀ ପହଞ୍ଚି ଯିବାରୁ ଲୁଟେରାମାନେ ଛତ୍ରଭଙ୍ଗ ଦେଇଛନ୍ତି ।

ଏନେଇ ପୋଲିସ ଥାନାରେ ମାମଲା ରୁଜୁ କରାଯାଇ ତଦନ୍ତ ଆରମ୍ଭ କରାଯାଇଛି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ