ଅନୁଗୋଳ: ପ୍ରାର୍ଥୀପତ୍ର ଦାଖଲର ଆଜି ଶେଷ ଦିନରେ ତାଳଚେର ପୌରାଞ୍ଚଳ ଶୋଭାଯାତ୍ରାରେ କମ୍ପିଥିଲା । ସବୁ ରାଜନୈତିକ ଦଳ ଶୋଭାଯାତ୍ରା ଜରିଆରେ ଭରିଥିଲେ ପ୍ରାର୍ଥୀପତ୍ର । ତାଳଚେର ପୌରାଞ୍ଚଳ ପାଇଁ ଅଧ୍ୟକ୍ଷ ପଦବୀ ନିମନ୍ତେ ବିଜେଡିର ପବିତ୍ର କୁମାର ଭୂତିଆ ସମସ୍ତ ୨୧ଜଣ କାଉନସିଲର ପ୍ରାର୍ଥୀଙ୍କୁ ନେଇ ବିରାଟ ଶୋଭାଯାତ୍ରାରେ ଆସି ନାମାଙ୍କନ ପତ୍ର ଦାଖଲ କରିଥିଲେ ।
ନାମାଙ୍କନ ପତ୍ର ଦାଖଲର ଶେଷ ଦିନରେ କମ୍ପିଲା ତାଳଚେର ପୌରାଞ୍ଚଳ
ତାଳଚେର ବିଧାୟକ ବ୍ରଜକିଶୋର ପ୍ରଧାନ ମଧ୍ୟ ଏହି ଶୋଭାଯାତ୍ରାରେ ସାମିଲ ହୋଇଥିଲେ । ସେହିପରି ବିଜେପିର ଅଧ୍ୟକ୍ଷ ପ୍ରାର୍ଥୀ ଯଯାତି ପଟ୍ଟନାୟକ ସମସ୍ତ ୨୧ଜଣ କାଉନସିଲର ପ୍ରାର୍ଥୀଙ୍କ ସହ ଶୋଭାଯାତ୍ରାରେ ଆସି ନାମାଙ୍କନ ପତ୍ର ଦାଖଲ କରିଥିଲେ । କଂଗ୍ରେସ ଦଳ ତରଫରୁ ଅଧ୍ୟକ୍ଷ ପ୍ରାର୍ଥୀ ଭାବେ ମାନସ ବାଇ ଏବଂ ସମସ୍ତ କାଉନସିଲର ପ୍ରାର୍ଥୀ ଆସି ନାମାଙ୍କନ ପତ୍ର ଦାଖଲ କରିଥିଲେ । ଅନ୍ୟପଟେ ଆପ ସମେତ ଅନ୍ୟ ଦଳ ମାନଙ୍କ ପକ୍ଷରୁ ମଧ୍ୟ ଆଜି ନାମାଙ୍କନ ଦାଖଲ କରିଥିବା ଦେଖିବାକୁ ମିଳିଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
