ଅନୁଗୋଳ: ଠିକା ଶ୍ରମିକଙ୍କ ମୃତ୍ୟୁକୁ ନେଇ ଉତ୍ତେଜନା । ନାଲକୋ ପ୍ଲାଣ୍ଟକୁ ବନ୍ଦ କରି ଦେଇଛନ୍ତି ଧାରଣା । ମୃତକଙ୍କ ପରିବାର, ଗ୍ରାମବାସୀ ଓ ଶ୍ରମିକ ସଙ୍ଗଠନ ପ୍ଲାଣ୍ଟ ସମ୍ମୁଖରେ ଆନ୍ଦୋଳ ଯୋଗୁଁ କୌଣସି ଶ୍ରମିକ କିମ୍ବା କର୍ମଚାରୀ ଭିତରୁ ଯାଇ ନପାରିବାରୁ ଉତ୍ତେଜନା ଦେଖା ଦେଇଛି । ଶତାଧିକ ଲୋକେ ନାଲକୋର ସ୍ମେଲଟର ପ୍ଲାଣ୍ଟ ସମ୍ମୁଖରେ ଆନ୍ଦୋଳରେ ବସିଛନ୍ତି ।
ଗତ ମାସ 23 ତାରିଖରେ ସ୍ମେଲଟର ପ୍ଲାଣ୍ଟରେ ଇଲେକ୍ଟ୍ରିକାଲ ପ୍ଲାସ ହୋଇ ଚାରି ଜଣ ଆହତ ହୋଇଥିଲେ । ସେମାନଙ୍କ ମଧ୍ୟରୁ ଠିକା ଶ୍ରମିକ ଭାବେ କାମ କରୁଥିବା ବଳରାମ ପ୍ରସାଦ ଗ୍ରାମର ମିଥୁନ ନାଥ ଅଧିକ ଗୁରୁତର ହୋଇଥିଲେ । ତାଙ୍କୁ ଚିକିତ୍ସା ପାଇଁ ଦିଲ୍ଲୀ ପଠାଯାଇଥିଲା ବେଳେ ଗତ କାଲି ତାଙ୍କର ମୃତ୍ୟୁ ହୋଇଛି। ଶୁକ୍ରବାର ତାଙ୍କର ମୃତ ଦେହ ରଖି ଆନ୍ଦୋଳନ ଚଳାଇଛନ୍ତି । ପରିବାରକୁ 50 ଲକ୍ଷ କ୍ଷତିପୂରଣ ଓ ସ୍ଥାନୀୟ ନିଯୁକ୍ତି ଦାବି କରିଛନ୍ତି । ସେପଟେ ନାଲକୋର କହିବା କଥା ଯାହା ନିୟମ ରହିଛି ସେ ଅନୁଯାଇ କ୍ଷତିପୂରଣ ଓ ପରିବାରର ଜଣକୁ ଚାକିରି ଦିଆଯିବ । ଘଟଣା ସ୍ଥଳରେ ପୋଲିସ ଲୋକଙ୍କୁ ବୁଝାସୁଝା ଆରମ୍ଭ କରିଛି ।
ଅନୁଗୋଳରୁ ସଂଗ୍ରାମରଞ୍ଜନ ନାଥ, ଇଟିଭି ଭାରତ
