ଅନୁଗୋଳ: ଅସହାୟ ଓ ଆର୍ଥିକ ପଛୁଆ ଶ୍ରେଣୀବର୍ଗଙ୍କ ପାଇଁ ସ୍ବାସ୍ଥ୍ୟସେବା ସୁଲଭ କରିବା ପାଇଁ ସରକାର ଖର୍ଚ୍ଚ କରୁଛନ୍ତି କୋଟି କୋଟି ଟଙ୍କା । କିନ୍ତୁ ସାଧାରଣ ଲୋକଙ୍କୁ ବଣ୍ଟନ ପରିବର୍ତ୍ତେ ବନ୍ଦ ସରକାରୀ କ୍ବାଟରରୁ ମିଳୁଛି ଗଦାଗଦା ସରକାରୀ ଔଷଧ। ଏପରି ଅଭାବନୀୟ ଘଟଣା ଦେଖିବାକୁ ମିଳିଛି ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ ପରିସରରେ ।
ଚିକିତ୍ସାଳୟର ଏକ ପରିତ୍ୟକ୍ତ କ୍ଵାଟରରୁ ଗଦା ଗଦା ସରକାରୀ ଔଷଧ ମିଳିବା ପରେ ଏସବୁ ଲୋକଙ୍କ ମଧ୍ୟରେ ବଣ୍ଟନ ନ ହୋଇ କାହିଁକି ଗଚ୍ଛିତ ରଖିଥିଲେ କର୍ତ୍ତୃପକ୍ଷ ଏସବୁ ପ୍ରଶ୍ନ ସାଧାରଣରେ ଅସନ୍ତୋଷ ସୃଷ୍ଟି ହେବାରେ ଲାଗିଛି । ମିଳିଥିବା ସୂଚନା ଅନୁସାରେ, ଜିଲ୍ଲା ମୁଖ୍ୟ ଚିକିତ୍ସାଳୟର ପରିତ୍ୟକ୍ତ କ୍ଵାଟର ଭଙ୍ଗିବା ପରେ ସେଥିରେ ପର୍ଯ୍ୟାପ୍ତ ପରିମାଣର ଔଷଧ ଥିବା ଦେଖିବାକୁ ମିଳିଥିଲା । ତେବେ ଏପରି ଗଚ୍ଛିତ ରଖିବା ନିଷ୍ପତ୍ତି ପଛରେ କାରଣ କଣ ତାକୁ ନେଇ ଅସନ୍ତୋଷ ସୃଷ୍ଟି ହୋଇଥିବାବେଳେ ଏନେଇ ହସ୍ପିଟାଲ କର୍ତ୍ତୃପକ୍ଷ ମୁହଁ ଖୋଲିବାକୁ ନାରାଜ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
