ଅନୁଗୋଳ: ଦୁଇ ବର୍ଷର ବ୍ୟବଧାନ ପରେ ସାମୂହିକ ହୋଲି ଖେଳର ମଜା ଉଠାଇଛନ୍ତି ଅନୁଗୋଳବାସୀ । କୋରୋନା ସଂକ୍ରମଣ ହ୍ରାସ ପାଇବା ପରେ କଟକଣା କୋହଳ ହୋଇଥିବାରୁ ଚାରିଆଡ଼ ଉତ୍ସବମୁଖର ହୋଇପଡ଼ିଛି । ପିଲାଙ୍କଠୁ ବଡ଼ ଯାଏଁ ସଭିଁଏ ବେଶ ଧୁମଧାମରେ ହୋଲି ପାଳନ କରୁଛନ୍ତି ରଙ୍ଗର ପର୍ବ ହୋଲି ।
Holi 2022: ଅବିର ଖେଳରେ ସମସ୍ତେ ମସଗୁଲ
ଆଜି ରଙ୍ଗର ପର୍ବ ହୋଲି ଅବସରରେ ଲୋକଙ୍କ ମଧ୍ୟରେ ଆନନ୍ଦ ଉଲ୍ଲାସ ଦେଖିବାକୁ ମିଳିଛି । ରାସ୍ତାଘାଟ, ବଜାର, ସାହି ସାହିରେ ଏବଂ ଆପାର୍ଟମେଣ୍ଟ ମାନଙ୍କରେ ଲୋକେ ସାମୂହିକ ଭାବେ ପରସ୍ପରକୁ ରଙ୍ଗ ଲଗାଇ ଆଲିଙ୍ଗନ କରୁଛନ୍ତି । ଡିଜେ ସାଉଣ୍ଡ ତାଳେତାଳେ ନାଚଗୀତରେ ବିଭୋର ହେଉଥିବା ମଧ୍ୟ ଦେଖିବାକୁ ମିଳିଛି। ଦୀର୍ଘ ଦୁଇ ବର୍ଷ ହେଲା ହୋଲି ପର୍ବ ପାଳନ କରିନଥିବାବେଳେ ଚଳିତ ବର୍ଷ ହୋଲିକୁ ମନ ଭରି ପାଳନ କରୁଛନ୍ତି ଲୋକେ । ଏହାସହ ଆଗାମୀ ବର୍ଷ ମାନଙ୍କରେ ଯେମିତି କୌଣସି ପ୍ରକାର ବାଧା ବିଘ୍ନ ରହିବ ନାହିଁ ସେଥିପାଇଁ ଜଗନ୍ନାଥଙ୍କ ନିକଟରେ ପ୍ରାର୍ଥନା କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
