ଅନୁଗୋଳ: କାଜୁ ଜଙ୍ଗଲରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ଅନ୍ତର୍ଗତ କୋଶଳା କାଜୁ ଜଙ୍ଗଲରୁ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରୁଛି ।
କାଜୁ ଜଙ୍ଗଲରୁ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର
ମୃତ ମହିଳା ଜଣଙ୍କ କୋଶଳା ଗ୍ରାମ ଗଙ୍ଗାସାହିର ଦ୍ରୌପଦୀ ସାହୁ ବୋଲି ଜଣାପଡିଛି । ସୂଚନା ଅନୁସାରେ ମଙ୍ଗଳବାର ସକାଳେ ଗ୍ରାମ ଜଙ୍ଗଲର ଏକ କାଜୁ ଗଛରେ ଦ୍ରୌପଦୀଙ୍କ ମୃତଦେହ ଝୁଲୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏହାପରେ ପୋଲିସକୁ ସୂଚନା ଦେଇଥିଲେ । ଦ୍ରୌପଦୀଙ୍କ ବେକରେ ଏକ ଧଳା ଲୁଗା ଲାଗିଥିବା ବେଳେ ତାଙ୍କ ଗୋଡ଼ ତଳେ ଲାଗିଛି ଏବଂ ହାତ ଗଛ ଡାଳରେ ଲାଗି ରହିଛି । ଫଳରେ ତାଙ୍କୁ କେହି ହତ୍ୟା କରି ଗଛରେ ଝୁଲାଇ ଦେଇଥିବା ଗ୍ରାମବାସୀ ସନ୍ଦେହ କରୁଛନ୍ତି । ତେବେ ପୋଲିସର ତଦନ୍ତ ପରେ ମୃତ୍ୟୁର କାରଣ ଜଣାପଡ଼ିବ ।
ଇଟିଭି ଭାରତ, ଅନୁଗୋଳ
