ଭୁବନେଶ୍ବର: ଅନୁଗୋଳ ଜିଲା ତାଳଚେର ବ୍ଲକ ବିଜୁ ଜନତା ଦଳ ପକ୍ଷରୁ ଦଳୀୟ ସାଂସଦ ଓ ବିଧାୟକମାନଙ୍କୁ ବିପୁଳ ସମ୍ବର୍ଦ୍ଧନା ଦିଆଯାଇଛି । ବଲଣ୍ଡା ସ୍ଥିତ କଲ୍ୟାଣ ମଣ୍ଡପଠାରେ ଆୟୋଜିତ ଏହି ସମ୍ବର୍ଦ୍ଧନା ଉତ୍ସବରେ ଢେଙ୍କାନାଳ ସାଂସଦ ମହେଶ ସାହୁ, ତାଳଚେର ବିଧାୟକ ବ୍ରଜକିଶୋର ପ୍ରଧାନ, ଛେଣ୍ଡିପଦା ବିଧାୟକ ସୁଶାନ୍ତ ବେହେରା, ଆଠମଲ୍ଲିକ ବିଧାୟକ ରମେଶ ସାଏ, ଗ୍ରାମ୍ୟ ଗୃହ ନିର୍ମାଣ ବୋର୍ଡର ଅଧ୍ୟକ୍ଷ ମୀନକେତନ ଅମାନ୍ତ ଓ ଜିଲ୍ଲା ଯୁବ ବିଜେଡି ସଭାପତି ପ୍ରମୁଖ ଅତିଥି ଥିଲେ ।
ଏହି ଅବସରରେ ବ୍ଲକ ବିଜେଡି, ବିଭିନ୍ନ ଛାମୁଆଁ ସଙ୍ଗଠନ, ମହିଳା ସଙ୍ଗଠନ, ବ୍ୟବସାୟୀ ସଂଘ, ସ୍ବୟଂ ସହାୟୀକ ଗୋଷ୍ଠୀ ଏବଂ ବିଭିନ୍ନ ପଞ୍ଚାୟତସ୍ତରୀୟ ପ୍ରତିନିଧିମାନଙ୍କ ପକ୍ଷରୁ ସାଂସଦ ଏବଂ ଜିଲ୍ଲାର ବିଧାୟକ ମାନଙ୍କୁ ଉତ୍ତରୀୟ, ଫୁଲତୋଡା ଦେଇ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ।
ଉପସ୍ଥିତ ନେତା ମାନେ ମୁଖ୍ୟମନ୍ତ୍ରୀ ଦେଇଥିବା 5‘ଟି’ ମନ୍ତ୍ରକୁ କିପରି ଲୋକଙ୍କ ସେବାରେ କାର୍ଯ୍ୟକାରୀ କରାଯାଇପାରିବ ଓ ଆଗାମୀ ଦିନରେ ସଂଗଠନ କିଭଳି ସୁଦୃଢ ହେବ ସେନେଇ ଆଲୋଚନା ହୋଇଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
