ଅନୁଗୋଳ: ଜିଲ୍ଲାରେ ତଳମୁହାଁ ରହିଛି ଦୈନିକ ସଂକ୍ରମଣ । ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ପକ୍ଷରୁ ଦୋକାନ ବଜାର ଖୋଲିବାକୁ ଅନୁମତି ମିଳିଛି । କଟକଣା କୋହଳ ହେବା ପରେ ସ୍ବାଭାବିକ ହୋଇଛି ଜୀବନଯାତ୍ରା ।
ଆଜିଠାରୁ ଜିଲ୍ଲାରେ କୋରୋନା କଟକଣା କୋହଳ କରାଯାଇଛି । ଜିଲ୍ଲାରେ ସଂକ୍ରମଣ ସ୍ଥିତିକୁ ଦୃଷ୍ଟିରେ ସରକାରଙ୍କ ତରଫରୁ ଏଭଳି ନିଷ୍ପତ୍ତି ନିଆଯାଇଛି । ଆଜି ଠାରୁ ସକାଳ ୬ଟାରୁ ସଂନ୍ଧ୍ୟା ୬ଟା ପର୍ଯ୍ୟନ୍ତ ସମସ୍ତ ନିୟମ ମାନି ସବୁ ଦୋକାନ ଖୋଲିବାକୁ ଅନୁମତି ଦିଆଯାଇଛି । ବିଶେଷ କରି ଦୀର୍ଘ ଦିନ ହେଲା ରାସ୍ତା କଡରେ ଥିବା ଉଠା ଦୋକାନୀମାନେ ନାହିଁ ନଥିବା ଅସୁବିଧା ଭୋଗୁଥିଲେ । ସେମାନଙ୍କୁ ମଧ୍ୟ ଦୋକାନ ଖୋଲିବାକୁ ଅନୁମତି ମିଳିଛି । ତେଣୁ ଦୋକାନୀମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି ।
ସରକାରୀ ନିୟମ ମାନି କାରବାର କରିବାକୁ ଦୋକାନୀମାନେ ନିଷ୍ପତ୍ତି ନେଇଛନ୍ତି । ଅନ୍ୟ ପକ୍ଷରେ ସଂକ୍ରମଣ କମିଥିଲେ ମଧ୍ୟ ସଙ୍କଟ ଟଳି ନଥିବାରୁ ସମସ୍ତେ ଆଗ ଭଳି ସତର୍କତା ଅବଲମ୍ବନ କରିବାକୁ ବୁଦ୍ଧିଜୀବୀମାନେ ପରାମର୍ଶ ଦେଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ,ଇଟିଭି ଭାରତ
