ଅନୁଗୋଳ: ଅନୁଗୋଳ ଜିଲ୍ଲାରେ ଦିନକୁ ଦିନ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ମଙ୍ଗଳବାର ଦିନ 231 କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାସହ ଅନୁଗୋଳରେ ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା 6 ହଜାର 636କୁ ବୃଦ୍ଧି ପାଇଛି ।
231 କୋରୋନା ଆକ୍ରାନ୍ତଙ୍କ ମଧ୍ୟରୁ ତାଳଚେର ବ୍ଲକ୍ ଅଞ୍ଚଳରୁ ୩୫ ଜଣ ( ୨୮ ଜଣ ପୁରୁଷ ଓ ୭ଜଣ ମହିଳା ), ବଅଁରପାଳ ବ୍ଳକ୍ ଅଞ୍ଚଳରୁ ୩୩ ଜଣ ( ୨୪ଜଣ ପୁରୁଷ ଓ ୯ଜଣ ମହିଳା ), ଛେଣ୍ଡିପଦା ବ୍ଳକ ଅଞ୍ଚଳରୁ ୨୯ ଜଣ ( ୨୪ଜଣ ପୁରୁଷ ଓ ୫ଜଣ ମହିଳା ), କଣିହାଁ ବ୍ଳକ ଅଞ୍ଚଳରୁ ୨୮ ଜଣ ( ୨୧ଜଣ ପୁରୁଷ ଓ ୭ଜଣ ମହିଳା ), ତାଳଚେର ପୌରାଞ୍ଚଳରୁ ୨୪ ଜଣ ( ୨୦ଜଣ ପୁରୁଷ ଓ ୪ଜଣ ମହିଳା ), ଅନୁଗୋଳ ବ୍ଳକ ଅଞ୍ଚଳରୁ ୨୩ ଜଣ ( ୧୪ଜଣ ପୁରୁଷ ଓ୯ ଜଣ ମହିଳା ), ଅନୁଗୋଳ ପୌରାଞ୍ଚଳରୁ ୧୮ ଜଣ ( ୧୧ଜଣ ପୁରୁଷ ଓ ୭ଜଣ ମହିଳା ), ପାଳଲହଡା ବ୍ଳକ୍ ଅଞ୍ଚଳରୁ ୧୬ ଜଣ ( ୧୦ଜଣ ପୁରୁଷ ଓ ୬ଜଣ ମହିଳା ), କିଶୋରନଗର ବ୍ଲକ ଅଞ୍ଚଳରୁ ୮ ଜଣ ( ୬ ଜଣ ପୁରୁଷ ଓ ୨ ଜଣ ମହିଳା ), ଆଠମଲ୍ଲିକ ବ୍ଲକ ଅଞ୍ଚଳରୁ ୭ ଜଣ ( ୧ ଜଣ ପୁରୁଷ ଓ ୬ଜଣ ମହିଳା ) ଓ ଆଠମଲ୍ଲିକ ବିଜ୍ଞାପିତ ଅଞ୍ଚଳ ପରିଷଦରୁ ୩ଜଣ ପୁରୁଷ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଏହାସହ ଅନୁଗୋଳରେ ୧୧୭ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ସେମାନଙ୍କ ମଧ୍ୟରେ ୧୬ ଜଣ କୋଭିଡ ହସ୍ପିଟାଲରୁ ଓ ୧୦୧ ଜଣ ହୋମ ଆଇସୋଲେସନରୁ ସୁସ୍ଥ ହୋଇଛନ୍ତି ।
ସେପଟେ ଅନୁଗୋଳରେ କୋରୋନା ସ୍ଥିତିକୁ ନେଇ ଜିଲ୍ଲାପାଳ ସମୀକ୍ଷା କରିଛନ୍ତି। ରାପିଡ୍ ରେସପନ୍ସ ଟିମ୍ ସବୁ ସ୍ଥାନରେ ପହଞ୍ଚିବା , କରୋନା ସମ୍ପର୍କିତ ତଥ୍ୟର ସଠିକ୍ ଆଦାନ ପ୍ରଦାନ ଓ ମେଡିସିନ୍ କିଟ୍ ସମସ୍ତ ଆକ୍ରାନ୍ତଙ୍କ ଘରେ ପହଞ୍ଚାଇବାକୁ ନେଇ ଜିଲ୍ଲାପାଳ ସମୀକ୍ଷା କରିଥିଲେ । ବୁଧବାର ଅନୁଗୋଳ ଜିଲ୍ଲାରେ ୪ ଜଣ ପ୍ଲାଜମା ଦାନ କରିବେ। ପ୍ଲାଜମା ଦାତାଙ୍କ ପାଇଁ ସମସ୍ତ ପ୍ରକାର ଆନୁସଙ୍ଗିକ ବ୍ୟବସ୍ଥା କରିବାକୁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
