ଅନୁଗୋଳ: ପାଞ୍ଚଟି ପ୍ରଶ୍ନ ନେତାଙ୍କୁ କାର୍ଯ୍ୟକ୍ରମରେ ସସ୍ମିତା ବେହେରା। କଂଗ୍ରେସ ପକ୍ଷରୁ ଛେଣ୍ଡିପଦା ବିଧାନସଭା ଆସନ ପାଇଁ ସସ୍ମିତାଙ୍କୁ ମିଳିଛି ଟିକେଟ । ଜିଲ୍ଲାର ଏକମାତ୍ର ମହିଳା ପ୍ରାର୍ଥିନୀ ହେଉଛନ୍ତି ସସ୍ମିତା।କୃଷି ଉପରେ ପ୍ରାଥମିକତା ଦେବେ ବୋଲି କହିଛନ୍ତି ସସ୍ମିତା। ସେ ନିର୍ବାଚନ ଜିତିଲେ ଅଞ୍ଚଳବାସୀଙ୍କ ସମସ୍ୟାର ସମାଧାନ ପାଇଁ ତୃଣମୂଳ ସ୍ତରରୁ କାମ କରିବାକୁ ପ୍ରତିଶ୍ରୁତି ଦେଇଛନ୍ତି । ଗତ ୧୦ବର୍ଷ ଧରି ଅଞ୍ଚଳର ଶାସନ ବିଜେଡି ହାତରେ ଥିବା ବେଳେ ଅଞ୍ଚଳର କୌଣସି ବିକାଶ ହୋଇନଥିବା ସେ ଅଭିଯୋଗ କରିଛନ୍ତି।
ଆସନ୍ତା ନିର୍ବାଚନରେ ତାଙ୍କର ସ୍ଲୋଗାନ ରହିଛି ସମସ୍ତଙ୍କୁ ରୋଜଗାରର ଗ୍ୟାରେଣ୍ଟି। ଛେଣ୍ଡିପଦା ଅଞ୍ଚଳ ଖଣି କ୍ଷତିଗ୍ରସ୍ତ ହେବାକୁ ଥିବା ବେଳେ ଲୋକ କେମିତି ତାଙ୍କ ନ୍ୟାୟ ପାଇବେ ସେଥିପାଇଁ ସେ ଲଢେଇ କରିବେ ବୋଲି କହିଛନ୍ତି ସସ୍ମିତା ବେହେରା।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
