ଅନୁଗୋଳ: ହାତୀ ଆକ୍ରମଣରେ ଦୁଇ ଜଣ ମୃତ୍ୟୁ ହୋଇଥିବା ଅଭିଯୋଗ ହୋଇଛି । କଣିହାଁ ବ୍ଲକ ସୁଲେଇପାଳ ଗାଁରେ ଏହି ଘଟଣା ଘଟିଛି । ମୃତକ ହେଉଛନ୍ତି ଦେବରାଜ ସାମଲ ଓ ସୁଧାକର ମହାନ୍ତି । ଦୁଇଜଣ ପ୍ରାଣ ହରାଇଥିଲେ ମଧ୍ୟ ବନବିଭାଗ କିମ୍ବା ପୋଲିସ ଏ ପର୍ଯ୍ୟନ୍ତ ଗାଁରେ ପହଞ୍ଚି ନାହାନ୍ତି । ଫଳରେ ଗାଁରେ ଉତ୍ତେଜନା ଦେଖାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଗତକାଲି ଅପରାହ୍ନରେ ନିଜ ଚାଷଜମିକୁ ଖତ ପକାଇବାକୁ ଯାଇଥିଲା ବେଳେ ଦେବରାଜଙ୍କୁ ପ୍ରଥମେ ହାତୀ ଆକ୍ରମଣ କରିଥିଲା । ହାତୀ ଆକ୍ରମଣରେ ସେ ଗୁରୁତର ଆହତ ହୋଇଥିଲେ । ତାଙ୍କୁ ବିଳମ୍ବିତ ରାତିରେ ତାଳଚେର ହସ୍ପିଟାଲକୁ ନିଆଯାଇଥିଲା । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ । ସେହିପରି ସୁଧାକରଙ୍କୁ ମଧ୍ୟ ଜଙ୍ଗଲ ଭିତରେ ହାତୀ କଚାଡି ଦେବାରୁ ତାଙ୍କର ମୃତ୍ୟୁ ହୋଇଥିଲା । ବହୁ ଖୋଜାଖୋଜି ପରେ ଆଜି ସକାଳେ ତାଙ୍କ ମୃତଦେହ ମିଳିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
