ଅନୁଗୋଳ: ଟ୍ରକରେ ରୋଷେଇ ବେଳେ ମହୁମାଛି ଆକ୍ରମଣ, ଜଳିଗଲା ଟ୍ରକ । ଅନୁଗୋଳ ଜିଲ୍ଲା ଦେଇ ଯାଇଥିବା ୫୫ନଂ ଜାତୀୟ ରାଜପଥର କିଶୋରନଗର ଥାନା ଶୁଶବଠାରେ ଘଟିଛି ଏହି ଅଘଟଣ ।
ରାଜ ରାସ୍ତାରେ ଜଳିଗଲା ଟ୍ରକ । ଟ୍ରକରେ ରୋଷେଇ କରୁଥିବା ବେଳେ ନିଆଁ ଲାଗିଛି । ଅନୁଗୋଳ ଜିଲ୍ଲା ଦେଇ ଯାଇଥିବା ୫୫ନଂ. ଜାତୀୟ ରାଜପଥର କିଶୋରନଗର ଥାନା ଶୁଶବଠାରେ ଘଟିଛି ଏହି ଅଘଟଣ । ଏକ ଆଇରନ ବୋଝେଇ ଟ୍ରକରେ ନିଆଁ ଲାଗି ଜଳିଯାଇଛି । ଏଥିରେ ଟ୍ରକରେ ବସିଥିବା ଚାଳକ ଓ ହେଲପର ଅଳ୍ପକେ ବର୍ତ୍ତି ଯାଇଛନ୍ତି । ପାରାଦୀପରୁ ସମ୍ବଲପୁର ଅଭିମୁଖେ ଟ୍ରକଟି ଯାଉଥିବାବେଳେ ଶୁଶୁବଠାରେ ଚାଳକ ଟ୍ରକଟିକୁ ଗଛ ତଳେ ଅଟକାଇ ଛୋଟ ଗ୍ୟାସ ସାହାଯ୍ୟରେ ରୋଷେଇ କରୁଥିଲେ। ହଠାତ ସେ ଗଛରେ ଥିବା ମହୁମାଛିମାନେ ଉଭୟଙ୍କୁ ଆକ୍ରମଣ କରିଥିଲେ । ଉଭୟେ ଘଟଣାସ୍ଥଳରୁ ଦୌଡି ପଳାଇ ଯାଇଥିଲେ । ଫଳରେ ଟ୍ରକ ଭିତରେ ଥିବା ଗ୍ୟାସଟି ପଡି ଯାଇ ନିଆଁ ଲାଗି ଯାଇଥିଲା । ଖବରପାଇ ଅଗ୍ନିଶମ ବିଭଗ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ,ଇଟିଭି ଭାରତ
