ଅନୁଗୋଳ: ବଜରଙ୍ଗ ଦଳ ଆଜି (ଶନିବାର) ଅନୁଗୋଳ ଥାନା ଛକ ଠାରେ ପାକିସ୍ତାନ ବିରୋଧରେ ବିଭିନ୍ନ ନାରା ଦେବାସହ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସମେତ ଅନେକ ଆତଙ୍କବାଦୀଙ୍କ କୁଶପୁତ୍ତଳିକା ଦାହ କରିଛନ୍ତି । କାଶ୍ମୀରରେ ଏକ ସ୍କୁଲରେ ଆତଙ୍କବାଦୀ ମାନେ ବାଛିବାଛି କେବଳ ହିନ୍ଦୁ ମାନଙ୍କୁ ହତ୍ୟା କରିଥିବା ସେମାନେ ଅଭଯୋଗ କରିଛନ୍ତି ।
ପାକିସ୍ତାନ ବିରୋଧରେ ଅନୁଗୋଳରେ ବଜରଙ୍ଗ ଦଳର ପ୍ରତିବାଦ
କାଶ୍ମୀରରେ ଅରାଜକତା ସୃଷ୍ଟି କରିବାକୁ ପାକିସ୍ତାନ ଏଭଳି ବର୍ବରଚିତ କାଣ୍ଡ କରୁଛି । ତେଣୁ, ଏହାକୁ ବିଶ୍ଵବ୍ୟାପୀ ହିନ୍ଦୁ କେବେହେଲେ ବରଦାସ୍ତ କରିବେ ନାହିଁ ବୋଲି ବଜରଙ୍ଗ ଦଳ କହିଛି । ଦଳ ଓ ସଂଗଠନ ପକ୍ଷରୁ ଘଟଣାକୁ ନେଇ ଆଗକୁ ଆହୁରି ପ୍ରତିବାଦ ଓ ବିକ୍ଷୋଭ ଜାରି ରହିବ ବୋଲି କୁହାଯାଇଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
