ଅନୁଗୋଳ: ଜିଲ୍ଲାରେ ପୁଣି ଅଲୋଡ଼ା ହେଲା ଶିଶୁ କନ୍ୟା । ଅନୁଗୋଳ ଜିଲ୍ଲାର ରେଙ୍ଗାଲି ଥାନା ଶୁଆ ଝରି ଜଙ୍ଗଲରୁ ଏକ ନବଜାତ ଶିଶୁ କନ୍ୟାକୁ ଉଦ୍ଧାର କରାଯାଇଛି । ଶିଶୁଟି ଜଙ୍ଗଲ ଭିତରେ କାନ୍ଦୁ ଥିବା ବେଳେ କୌଣସି କାମରେ ଯାଇଥିବା ଗାଁର ଜଣେ ମହିଳା ଶିଶୁଟିକୁ ଦେଖିଥିଲେ। ଏହାପରେ ଶିଶୁଟିକୁ ଉଦ୍ଧାର କରି ଆଣି ଥାନାରେ ଦେଇଥିଲେ ।
ଅନୁଗୋଳ ଅଲୋଡା ଶିଶୁକନ୍ୟା !
ପୋଲିସ ପ୍ରଥମେ ଶିଶୁ କୁ ଡାକ୍ତରଖାନାରେ ଚିକିତ୍ସା କରାଇବା ପରେ ଶିଶୁ ସୁରକ୍ଷା ଅଧିକାରୀଙ୍କୁ ହସ୍ତାନ୍ତର କରିଛି । ତେବେ ଅନୁଗୋଳ ଡାକ୍ତରଖାନାରେ ଶିଶୁର ପୁଣି ଚିକିତ୍ସା କରାଯାଉଛି । କିଏ କାହିଁକି ଜଙ୍ଗଲରେ ଏହି ଶିଶୁକୁ ପକାଇ ଦେଇଛି ତାହା ଜଣାପଡି ନାହିଁ। ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
