ଅନୁଗୋଳ: ଦୋଳ ଯାତ୍ରାରେ ଖଣ୍ଡା ଆକ୍ରମଣ । ଦୁର୍ବୃତ୍ତଙ୍କ ଖଣ୍ଡା ଆକ୍ରମରେ ଅନୁଗୋଳରେ ଦୁଇ ଜଣ ଗୁରୁତର ହୋଇଥିବା ଜଣାପଡିଛି । ଏପରି ଏକ ଘଟଣା ସଦର ଥାନା କୁଶାସିଙ୍ଗା ଗାଁରେ ଘଟିଛି ।
ଦୋଳଯାତ୍ରାରେ ଆକ୍ରମଣ: 2 ଗୁରୁତର
ଗାଁ ଦୋଳ ଯାତ୍ରାବେଳେ ଦୁଇଜଣ ଦୁର୍ବୃତ୍ତ ଆସି ଅତର୍କିତ ଖଣ୍ଡାରେ ଆକ୍ରମଣ କରିଥିଲେ । ଏଥିରେ 2 ଜଣ ଗୁରୁତର ଭାବେ ଆହତ ହୋଇଛନ୍ତି । ସେମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆହତ ଦ୍ବୟ ସାଗର ଦାସ ଓ ରିତେଶ ସ୍ବାଇଁ ବୋଲି ଜଣାପଡିଛି । ଉଭୟଙ୍କ ହାତ ଓ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି ।
ଖବର ପାଇ ସଦର ଥାନା ପୋଲିସ ପହଁଚି ତଦନ୍ତ ଆରମ୍ଭ କରିଛି । ତେବେ ପୂର୍ବ ଶତ୍ରୁତାକୁ କେନ୍ଦ୍ରକରି ଏହି ଆକ୍ରମଣ ଘଟିଥିବା ଜଣାପଡିଛି । ମାତ୍ର ଦୁର୍ବୃତ୍ତମାନେ ଯେଉଁ ବ୍ୟକ୍ତିଙ୍କୁ ଆକ୍ରମଣ କରିବାକୁ ଆସିଥିଲେ ତା ପରିବର୍ତେ ଏମାନଙ୍କୁ ଆକ୍ରମଣ କରିଥିବା ଅନୁମାନ କରାଯାଉଛି । ପୋଲିସ ଘଟଣାର ଅଧିକ ତଦନ୍ତ ଆରମ୍ଭ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
