ଅନୁଗୋଳ: ପାଲଲହଡା ବ୍ଲକ ଯମରଡ଼ିହ ଗାଁରେ ଘଟିଛି ଅଭାବନୀୟ ଘଟଣା । ପୂର୍ବ ଶତ୍ରୁତାରୁ ହୋଇଛି ତୀର ମାଡ଼ । ଆକ୍ରମଣରେ ଗୁରୁତର ଭାବେ ଆହତ ହୋଇଛନ୍ତି ସେହି ଗ୍ରାମର ଗୁରୁ ଧୀବର ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଯମରଡ଼ିହ ଗାଁର ଗୁରୁ ଧୀବର ଛେଳି ଚରେଇବାକୁ ଯାଇଥିବା ବେଳେ ସେହି ଗାଁ ର ଜୁଲୁମ ସିଂ ପୂର୍ବ ଶତ୍ରୁତାକୁ ନେଇ କରିଛି ତୀର ମାଡ । ତୀରଟି ଗୁରୁ ଧୀବରଙ୍କ ବାମ ହାତରେ ଗଳି ଯାଇଛି । ଗୁରୁତର ଅବସ୍ଥାରେ ତାକୁ ପାଳଲହଡା ଡାକ୍ତରଖାନା ରେ ଭର୍ତି କରାଯାଇଛି । ସ୍ବାସ୍ଥ୍ୟବସ୍ଥା ଅଧିକ ଗୁରୁତର ହେବାରୁ ଗୁରୁକୁ ଅନୁଗୋଳ ମୁଖ୍ୟ ଡାକ୍ତରଖାନାକୁ ସ୍ତାନ୍ତରିତ କରାଯାଇଛି ।
ପାଳଲହଡା ଥାନାରେ ଘଟଣା ଅନୁଯାୟୀ ଏକ ଅଭିଯୋଗ ହୋଇଛି । ପରେ ପାଳଲହଡା ପୋଲିସ ତଦନ୍ତ ଆରମ୍ଭ କରିଛି I ଘଟଣାରେ ପୋଲିସ ଆକ୍ରମଣ କାରୀକୁ ଧରିବା ପାଇଁ ଉଦ୍ୟମ ଆରମ୍ଭ କରିଛି ।
ଅନୁଗୋଳ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
