ଅନୁଗୋଳ: ଜିଲ୍ଲାରେ କୋରୋନା ସଂକ୍ରମିତଙ୍କ ସଂଖ୍ୟା ଦ୍ରୁତଗତିରେ ବୃଦ୍ଧି ପାଉଥିବା ବେଳେ ଏନେଇ ସତର୍କତା ଜାରି କରିବାକୁ ଜିଲ୍ଲା କଂଗ୍ରେସ ପକ୍ଷରୁ ଦାବି ହୋଇଛି । ଏହି ପରିପ୍ରେକ୍ଷୀରେ ମଙ୍ଗଳବାର ଜିଲ୍ଲା କଂଗ୍ରେସ ସହ ରାଜ୍ୟ ମହିଳା କଂଗ୍ରେସର ପୂର୍ବତନ ସଭାନେତ୍ରୀ ଜିଲ୍ଲାପାଳଙ୍କ ନିକଟରେ ଫେରାଦ ହୋଇଛନ୍ତି ।
ଶିଳ୍ପ କାରଖାନାରେ କୋରୋନାର ସଂକ୍ରମଣ ବଢ଼ୁଥିବାରୁ ତୁରନ୍ତ ସମ୍ପୃକ୍ତ ସଂସ୍ଥାଗୁଡିକୁ କଣ୍ଟେନମେଣ୍ଟ ଜୋନ ଘୋଷଣା କରିବାକୁ କଂଗ୍ରେସ ଦାବି କରିଛି । ଏତତବ୍ୟତୀତ ଜିଲ୍ଲା କଂଗ୍ରେସ କହିଛି ଯେ, କାରଖାନା ଚଳାଇବା ପାଇଁ ଯେତିକି ସଂଖ୍ୟାରେ ଶ୍ରମିକ ଓ କର୍ମଚାରୀ ଆବଶ୍ୟକ କମ୍ପାନୀ ସେମାନଙ୍କୁ କାରଖାନା ପରିସରେ ରଖି କାରଖାନା କାର୍ଯ୍ୟ ଜାରି ରଖୁ । ଏଥିସହ କୋରୋନା ଆକ୍ରାନ୍ତ ହୋଇଥିବା ସଂସ୍ଥାର କୌଣସି ବି କର୍ମଚାରୀ ବାହାରକୁ ନ ବାହାରିବାକୁ ପ୍ରଶାସନ ନିର୍ଦ୍ଦେଶନାମା ଜାରି କରୁ ଏବଂ ଉକ୍ତ ଅଞ୍ଚଳର ସରପଞ୍ଚମାନେ ମଧ୍ୟ ଉଚିତ ପଦକ୍ଷେପ ନିଅନ୍ତୁ ।
ଯଦି ଆଗାମୀ ଦିନରେ ପ୍ରଶାସନ କୋରୋନା ମୁକାବିଲା କ୍ଷେତ୍ରରେ ଉଚିତ୍ ପଦକ୍ଷେପ ନ ନିଏ ତେବେ ଜିଲ୍ଲା କଂଗ୍ରେସ ଆନ୍ଦୋଳନକୁ ଓହ୍ଲାଇବ ବୋଲି ଧମକ ଦେଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
