ଅନୁଗୋଳ: ମୁଖ୍ୟମନ୍ତ୍ରୀ ନବୀନଙ୍କୁ କୃତଜ୍ଞତା ଜଣାଇଲେ ଅନୁଗୋଳ ଜିଲ୍ଲାର ସମସ୍ତ ବିଧାୟକ ଓ ସାଂସଦ। ଜିଲ୍ଲାର ପାଲଲହଡା ବିଧାୟକ ମୁକେଶ ପାଲ ,ତାଳଚେର ବିଧାୟକ ବ୍ରଜକିଶୋର ପ୍ରଧାନ , ଛେଣ୍ଡିପଦା ବିଧାୟକ ସୁଶାନ୍ତ ବେହରା , ଆଠମଲ୍ଲିକ ବିଧାୟକ ରମେଶ ସାଏ ଓ ଢେଙ୍କାନାଳ ସାଂସଦ ମେହସ ସାହୁ ଏକାଠି ହୋଇ କୃତଜ୍ଞତା ଜଣାଇଛନ୍ତି।
ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଲେ ଅନୁଗୋଳ ଜିଲ୍ଲା ଲୋକ ପ୍ରତିନିଧି
ଅନୁଗୋଳ ବିଜୁ ମଇଦାନରେରେ ଏକ ସଭାକରି ସରକାରଙ୍କ ନିଷ୍ପତ୍ତିକୁ ସମସ୍ତେ ପ୍ରଶଂସା କରିଛନ୍ତି । ସରକାରୀ ସ୍କୁଲରେ ପଡୁଥିବା ଛାତ୍ର ଛାତ୍ରୀଙ୍କ ପାଇଁ ଡ଼ାକ୍ତରୀ ଓ ଇଂଜିନିୟରିଂ ପଡିବାରେ ସଂରକ୍ଷଣ ବ୍ୟବସ୍ଥାକୁ ରାଜ୍ୟ କ୍ୟାବିନେଟରେ ମଞ୍ଜୁରୀ ମଳିବା ପରେ ଏହାକୁ ସମସ୍ତେ ସ୍ବାଗତ କରିଛନ୍ତି ।
ସରକାରୀ ସ୍କୁଲରେ ପାଠପଢୁଥିବା ଗରିବ,ମେଧାବୀ,ଅନୁସୂଚିତ ଜାତି,ଜନଜାତି ଛାତ୍ର ଛାତ୍ରୀଙ୍କୁ ଡାକ୍ତରୀ ଓ ଇଞ୍ଜିନିୟରିଂ କଲେଜରେ ୧୫ ପ୍ରତିଶତ ସଂରକ୍ଷିତ ସିଟ୍ କୋଟା ନିଷ୍ପତ୍ତି ନେଇଛି ରାଜ୍ୟ କ୍ୟାବିନେଟ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
