ଅନୁଗୋଳ: ଥମୁନି ହାତୀ ଆତଙ୍କ । ଆଜି ପୁଣି ହାତୀ ଆକ୍ରମଣର ଶିକାର ହୋଇଛନ୍ତି ଜଣେ ବୃଦ୍ଧା । ଅନୁଗୋଳ ଛେଣ୍ଡିପଦା ଥାନା ନୂଆଗାଁ ପଞ୍ଚାୟତ ଡଙ୍ଗାପାଳ ଗାଁ ରେ ଏକ ଦନ୍ତାହାତୀ ଆକ୍ରମଣରେ ଜଣେ ବିଧବା ମହିଳା ଗୁରୁତର ଭାବେ ଆହତ ହୋଇଛନ୍ତି ।
ଆହତ ମହିଳା ଡଙ୍ଗାପାଳର ପାର୍ବତୀ ମାଝୀ ବୋଲି ଜଣାପଡିଛି । ସେ ଶୌଚ ପାଇଁ ଯାଇଥିବା ବେଳେ ଦନ୍ତାହାତୀ ସହିତ ମୁହାଁମୁହିଁ ହୋଇଥିଲେ । ହାତୀ ଶୁଣ୍ଢରେ କଚାଡି ମାରିବା ଫଳରେ ତାଙ୍କର ବାମ ଗୋଡ ଜଙ୍ଘ ଭାଙ୍ଗି ଯାଇଥିଲା। ଏହାସହ ବାମ ହାତରେ ମଧ୍ୟ ଗଭୀର ଆଘାତ ଲାଗିଥିଲା।
ଘଟଣାସ୍ଥଳରେ ପାର୍ବିତୀ ଚେତାଶୂନ୍ୟ ହୋଇପଡି ଥିବାବେଳେ ତାଙ୍କୁ ସେହି ଅବସ୍ଥାରେ ସ୍ଥାନୀୟ ଲୋକମାନେ ଉଦ୍ଧାର କରି ଛେଣ୍ଡିପଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଭର୍ତ୍ତି କରିଥିଲେ । ସେଠାରେ ତାଙ୍କର ଅବସ୍ଥା ଗୁରୁତର ହୋଇ ପଡିବାରୁ ଚିକିତ୍ସା ପରେ ଜିଲ୍ଲା ମୁଖ୍ୟଳୟକୁ ପଠାଇ ଦିଆ ଜାଇଛି । ତେବେ ଏ ସମ୍ପର୍କରେ ସ୍ଥାନୀୟ ଲୋକେ ଛେଣ୍ଡିପଦା ଫରେଷ୍ଟ ରେଞ୍ଜ ଅଫିସରଙ୍କୁ ଜଣାଇଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
