ଅନୁଗୋଳ: ଢେଙ୍କାନାଳ ପରେ ଅନୁଗୋଳରେ ବୃଦ୍ଧାଙ୍କୁ ଶୁଣ୍ଢରେ ଟେକି କଚି ଦେଲା ଦନ୍ତା । ଅନୁଗୋଳ ବନାଞ୍ଚଳ କଣଲୋଇ ସଂରକ୍ଷିତ ଜଙ୍ଗଲ ନିକଟରେ ଦନ୍ତା ଆକ୍ରମଣରେ ଜଣେ ବୃଦ୍ଧାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତକ ଜଣକ ହେଲେ କଣଲୋଇ ଗ୍ରାମର ଖେଡ଼ି ମାଝୀ ।
ଭିଡିଓ ସୌଜନ୍ୟ:ସମ୍ବାଦଦାତା, ଅନୁଗୋଳ
ସେ କଣଲୋଇ ସଂରକ୍ଷିତ ଜଙ୍ଗଲ କମ୍ପାଣ୍ଟମେଣ୍ଟ ୭ ନିକଟସ୍ଥ ଥିବା କାଜୁ ବଗିଚାକୁ ତାଙ୍କ ବୋହୂ ସହ କାଜୁ ତୋଳିବା ପାଇଁ ଯାଇଥିଲେ । କାଜୁ ତୋଳୁ ଥିବାବେଳେ ଏକ ଦନ୍ତାହାତୀ ସହିତ ବୃଦ୍ଧା ମୁହାଁମୁହିଁ ହୋଇଥିଲେ। କୌଶଳକ୍ରମେ ବୋହୂ ଖସି ଆସି ଥିବାବେଳେ ବୃଦ୍ଧାଙ୍କୁ ଶୁଣ୍ଢରେ ଟେକି କଚାଡ଼ି ଦେଇଥିଲା ଦନ୍ତା ।
ଖାଲି ସେତିକି ନୁହେଁ, ଦନ୍ତାଟି ତାଙ୍କ ଶରୀରକୁ ପୁରା ଖଣ୍ଡ ବିଖଣ୍ଡିତ କରି ଦେଇଛି । ଯାହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖା ଦେଇଛି। ଖବରପାଇ ବନବିଭାଗ ଓ ପୋଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବାକୁ ଉଦ୍ୟମ କରିଛନ୍ତି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
