ଅନୁଗୋଳ : ବିଭିନ୍ନ କୀରଣରୁ ଅନେକ ସମୟରେ ହାତୀର ମୃତ୍ୟୁ ହେଉଥବାର ଦେଖାଯାଏ। ଏବେ ଅନୁଗୋଳ ଜିଲ୍ଲା ସାତକୋଶିଆ ଅଭୟାରଣ୍ୟର ପମ୍ପାସର ବନାଞ୍ଚଳରେ 1 ବର୍ଷରୁ କମ ଏକ ହାତୀ ଛୁଆର ମୃତ୍ୟୁ ଘଟିଛି । ଏହି ହାତୀ ଛୁଆର ମୃତଦେହ ଆଜି(ରବିବାର) ରେଞ୍ଜର ଟାଇଁସି ଜଙ୍ଗଲର କୁମୁରି ବିଟ ଅଧିନସ୍ଥ ଜଙ୍ଗଲରୁ ଠାବ କରିଥିଲା ।
ହାତୀ ଛୁଆର ପାଟିରେ କ୍ଷତ ହୋଇ ତାର ମୃତ ହୋଇଥିବା ବନ ବିଭାଗ ପକ୍ଷରୁ ସୂଚନା ଦିଆଯାଇଛି । ଖବର ପାଇ ସାତକୋଶିଆ ଡ଼ିଏଫଓ, ଫିଲଡ଼ ଡ଼ାଇରେକ୍ଟର ଓ ଅନ୍ୟ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ହାତୀ ଛୁଆର ପାଟିରେ କ୍ଷତ ହେବା କରାଣରୁ ଖାଦ୍ୟ ଖାଇ ନପାରି ମୃତ୍ୟୁ ହୋଇଥିବା ସୂଚନା ଦିଆଯାଇଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
