ଅନୁଗୋଳ: ପୁଣି ତାଳେଚର ବିଧାୟକଙ୍କ ଗାଡି ପୋଡିଲେ ଦୁର୍ବୃତ୍ତ। ପ୍ରଥମେ ଭୁବନେଶ୍ବର ଓ ଏବେ ତାଳଚେରରେ ବିଧାୟକ ବ୍ରଜକିଶୋର ପ୍ରଧାନଙ୍କ ଗାଡି ପୋଡି ଦେଇଛନ୍ତି ଦୁର୍ବୃତ୍ତ। ଗତ ଶନିବାର ବିଳମ୍ବିତ ରାତ୍ରୀରେ କେହି ଜଣେ ଦୁର୍ବୃତ୍ତ ଆସି ନନ୍ଦିରାସ୍ଥିତ କାର୍ଯ୍ୟାଳୟରେ ଥିବା ବିଧାୟକଙ୍କ ଗାଡିରେ ନିଆଁ ଲଗାଇ ଦେଇଥିବା ଜଣାପଡିଛି। ବିଧାୟକଙ୍କ ସହ ବ୍ୟବସାୟିକ ଅଥବା ରାଜନୈତିକ ଶତ୍ରୁତା ନେଇ ଏପରି ଘଟଣା ଘଟିଥାଇ ପାରେ ବୋଲି ଅନୁମାନ କରାଯାଉଛି।
ଘଟଣାସ୍ଥଳରେ ବିକ୍ରମପୁର ଥାନା ଅଧିକାରୀ ପହଞ୍ଚି ଏ ଘଟଣାର ତଦନ୍ତ ଆରମ୍ଭ କରିଛନ୍ତି। ଏନେଇ ବିଜେଡି କର୍ମୀ ଓ ବିଧାୟକଙ୍କ ନିକଟତମ ଲୋକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ହେଲେ ଏ ଘଟଣାରେ କାହାରି ପ୍ରତିକ୍ରିୟା ମିଳିପାରି ନାହିଁ। ଗତ ଅଗଷ୍ଟ 19 ତାରିଖରେ ମଧ୍ୟ ବିଧାୟକ ବ୍ରଜକିଶୋର ପ୍ରଧାନଙ୍କ ଭୁବନେଶ୍ବର ବାସଭଵନରେ ଥିବା 2ଟି ଗାଡିକୁ ପୋଡ଼ି ଦେଇଥିଲେ ଦୁର୍ବୃତ୍ତ। ପରେ ପୈତୃକ ବାସଭବନରେ ନିଆଁ ଲଗାଇ ଦେଇଥିଲେ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
