ଅନୁଗୋଳ: ସହର ସାରା ଡ୍ରେନ ହୋଇଛି ଜବର ଦଖଲ । ଯାହାକୁ ହଟାଇବା ପାଇଁ ପୌର ପ୍ରାଶାସନ ଯନ୍ତ୍ର ଆଣିଥିବା ବେଳେ ଜବରଦଖଲ ଉଚ୍ଛେଦ ପୂର୍ବରୁ ଲୋକେ ସ୍ୱତଃ ଭାଙ୍ଗି ଦେଇଥିଲେ ନିଜ ନିଜର ଦୋକାନ । ଶୁକ୍ରବାର ଅନୁଗୋଳ ମୁଖ୍ୟ ବଜାରରୁ ପ୍ରଶାସନ ତରଫରୁ ଜବରଦଖଲ ଉଚ୍ଛେଦ କରାଯାଇଥିଲା ।
ପ୍ରାଶାସନର ଜବରଦଖଲ ଉଚ୍ଛେଦ ଆରମ୍ଭ
ବସଷ୍ଟାଣ୍ଡ ଠାରୁ ବଜାର ଛକ ପର୍ଯ୍ୟନ୍ତ ଉଚ୍ଛେଦ କରାଯାଇଥିଲା । ଦୋକାନୀ ମାନେ ନିଜ ଦୋକାନ ଆଗରେ ବହୁ ଜାଗା ମାଡିବସି ଘର କରିଛନ୍ତି । ଫଳରେ ଅନେକ ସମୟରେ ଟ୍ରାଫିକ ଜାମ ହେବା ସହ ସହରର ବର୍ଷା ପାଣି ନିଷ୍କାସନ ହୋଇପାରୁ ନାହିଁ । ଆଗକୁ ବର୍ଷା ଆସୁଥିବାରୁ ବଜାରର ଉଭୟ ପାର୍ଶ୍ଵରେ ଡ୍ରେନ ନିର୍ମାଣ କରିବାକୁ ପ୍ରଶାସନ ବାଧ୍ୟ ହୋଇ ଜବରଦଖଲ ଉଚ୍ଛେଦ କରିଛି । ଅପ୍ରୀତିକର ପରିସ୍ଥିତିକୁ ଦୃଷ୍ଟିରେ ରଖି ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
