ଅନୁଗୋଳ: ଦୁଇଟି ବାଇକକୁ ଏକ କାଳୀନ ଧକ୍କା ଦେଲା ଟ୍ରକ । ଯେଉଁଥିରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଥିବା ବେଳେ ତିନି ଗୁରୁତର ଆହତ ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି ଅନୁଗୋଳ ଜିଲ୍ଲା ଜରପଡା ଥାନା କଞ୍ଜରା ମୁଣ୍ଡା ସାହି ନିକଟରେ । ତେବେ ମୃତକ ଜଣଙ୍କ ଆଠମଲ୍ଲିକ ମଧପୁର ଗାଁର ଭଜମନ ନାୟକ ବୋଲି ଜଣାପଡ଼ିଛି ।
ଦୁଇ ବାଇକ ଉପରେ ମାଡି ଗଲା ଟ୍ରକ
ସୁଚନା ଅନୁଯାୟୀ, ରବିବାର ଦୁଇଟି ବାଇକରେ ଚାରିଜଣ ଯାଉଥିବା ବେଳେ ଅପରପାର୍ଶ୍ବରୁ ଆସୁଥିବା ଟ୍ରକ ସେମାନଙ୍କୁ ଧକ୍କା ଦେଇଥିଲା । ଯେଉଁଥିରେ ଜଣେ ବାଇକ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା ।
ତେବେ ତିନି ଜଣ ଗୁରୁତରଙ୍କୁ ପ୍ରଥମେ ଅନୁଗୋଳ ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ସେମାନଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଟ୍ରକକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
