ଅନୁଗୋଳ: ଭୁଜାଲି ଆକ୍ରମଣରେ ଯୁବକ ମୃତ । ମୃତ ଯୁବକ ଜଣକ ଅନୁଗୋଳ ଜିଲ୍ଲା ବେନ୍ତପୁର ଗାଁର ଟିକନ ନଏକ । ସେ ଜଣେ ଅପରାଧୀ ହୋଇଥିବା ବେଳେ ତା ନାଁରେ ପୋଲିସ ଫାଇଲରେ 20ରୁ ଊର୍ଦ୍ଧ୍ବ ମାମଲା ଥିବା ଜଣାପଡିଛି ।
ସୂଚନାମୁତାବକ, ଗତକାଲି(ମଙ୍ଗଳବାର) ରାତିରେ ଟିକନକୁ କେହି କୌଣସି କାରଣରୁ ଭୁଜାଲିରେ ଆକ୍ରମଣ କରିଥିଲା । ଆକ୍ରମଣରେ ଟିକନର ଅନ୍ତବୁଜୁଳା ବାହାରି ଯାଇଥିବା ବେଳେ ଗୁରୁତର ଅବସ୍ଥାରେ ତାକୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଗୁରୁତର ହେବାରୁ କଟକ ସ୍ଥାନାନ୍ତର କରାଯାଉଥିବାବେଳେ ବାଟରେ ହିଁ ତାର ମୃତ୍ୟୁ ହୋଇଥିଲା ।
ଖବର ପାଇ ଅନୁଗୋଳ ସଦର ପୁଲିସ ଘଟଣାର ତଦନ୍ତ କରୁଛି । ତେବେ ଟିକନ ନାମରେ ପୂର୍ବରୁ ୨୦ରୁ ଅଧିକ ଚୋରି ଓ ରାହାଜାନି ମାମଲା ରହିଛି । ସେପଟେ ପରିବାର ଲୋକଙ୍କ ଅଭିଯୋଗ ମୁତାବକ କିଛି ଲୋକ ରାସ୍ତା କଡରେ ଗୁଲି ଖଟି କରୁଥିବା ଦେଖି ଟିକନ ବିରୋଧ କରିଥିଲା । ଯାହାକୁ ନେଇ ସନ୍ଧ୍ୟାରେ ଟିକନକୁ ଏକୁଟିଆ ପାଇଁ ବିଜୁ ନାମକ ଏକ ଯୁବକ ଓ ତାର ସହଯୋଗୀମାନେ ଆକ୍ରମଣ କରିଥିବା ଅଭିଯୋଗ କରିଛନ୍ତି ଟିକନଙ୍କ ମା’ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
