ଅନୁଗୋଳ: ଅନୁଗୋଳ ବନଖଣ୍ଡର ଛେଣ୍ଡିପଦା ବନାଞ୍ଚଳ ଖଇର ବେରଣା ଗାଁରେ ହାତୀ ଆକ୍ରମଣରେ ଜଣେ ମହିଳା ମୃତ। ମୃତ ମହିଳା ଜଣକ ଶୈଳବାଲା ଦେହୁରୀ ବୋଲି ଜଣାପଡିଛି । ସେ ଭୋର ସମୟରେ ନିକଟସ୍ଥ ଜଙ୍ଗଲକୁ ଶୌଚ ପାଇଁ ଯାଇଥିଲେ। ହଠାତ ଏକ ଦନ୍ତା ହାତୀ ଆସି ତାଙ୍କୁ ଆକ୍ରମଣ କରିବା ସହ ଦଳି ଚକଟି ମାରିଦେଇଥିଲା । ତାଙ୍କ ଚିତ୍କାର ଶୁଣି ଘଟଣା ଆଖପାଖରେ ଥିବା କେତେକ ଗ୍ରାମବାସୀ ଦୌଡ଼ି ଯାଇ ଦେଖିଲା ବେଳକୁ ହାତୀଟି ସେଠାରୁ ପଳାଇ ଥିଲା ।
ଖବର ପାଇ ବନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି । ଗତ କିଛିଦିନ ହେଲା ଛେଣ୍ଡିପଦା ବନାଞ୍ଚଳରେ ହାତୀ ଉପଦ୍ରଵ ଵୃଦ୍ଧି ପାଇବା ହେତୁ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି । ଯାହାକୁ ନେଇ ଉତ୍ତେଜନା ଦେଖାଦେଇଛି ।
