ଅନୁଗୋଳ : ମା ଓ 2 ଝିଅ ମିଶି ବାପାକୁ ହତ୍ୟା କରିବା ଘଟଣାର ପର୍ଦ୍ଦାଫାଶ ହୋଇଛି । ଏହି ଘଟଣାରେ ମାଆ, ଝିଅଙ୍କ ସହ 8 ଜଣଙ୍କୁ ଗିରଫ କରିଛି ପୋଲିସ । ଅନୁଗୋଳ ସିଲିଂ ଗାଁରେରେ ଗତ ୧୬ ତାରିଖରେ ପାରିବାରିକ କଳହକୁ ନେଇ ଏହି ହତ୍ୟାକାଣ୍ତ ଘଟିଥିଲା । ସ୍ତ୍ରୀ ଭାରତୀ ଓ ଦୁଇ ଝିଅ ଗୁନି, ଲୁନି ମିଶି ବାପା ସୁନନ୍ଦ ପ୍ରଧାନଙ୍କୁ କାଠ ଫାଳିଆ ଓ ଶାବଳରେ ଆକ୍ରମଣ କରିଥିଲେ। ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ତେବେ 8 ଜଣଙ୍କ ମଧ୍ୟରୁ ତିନି ଜଣ ଆତ୍ମସମର୍ପଣ କରିଥିବାବେଳେ ଅନ୍ୟ ସମସ୍ତଙ୍କୁ ଗିରଫ କରାଯାଇଛି ।
ପୋଲିସ ତିନୋଟି କାଠ ଫାଳିଆ ଓ ଦୁଇଟି ମଟର ସାଇକେଲ ଜବତ କରିଛି । ମୃତକଙ୍କ ବଡ଼ ଭଉଣୀ ଏତଲା ଦେବା ପରେ ମୃତକଙ୍କ ସ୍ତ୍ରୀ ଓ ଦୁଇ ଝିଅ ଆତ୍ମସମର୍ପଣ କରିଥିଲେ । ସମସ୍ତ ଅଭିଯୁକ୍ତଙ୍କୁ ଗିରଫ ପରେ କୋର୍ଟ ଚାଲଣ କରାଯାଇଛି ।
ପଢନ୍ତୁ: ପାରିବାରିକ କଳହ: ବାପାକୁ ହତ୍ୟା କଲେ ମା ଓ 2 ଝିଅ
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
