ଅନୁଗୋଳ: ପୁଣି ଏକ ହାତୀ ମୃତ୍ୟୁ । ଜିଲ୍ଲାର ଆଠମଲ୍ଲିକ ବନଖଣ୍ଡରେ ହାତୀର ମୃତ୍ୟୁ ଘଟିଛି । ଏହାପରେ ମୃତଦେହକୁ ତରବରିଆ ଭାବେ ବନବିଭାଗ ପୋତି ଦେଇଛି ।
ଆଠମଲ୍ଲିକ ରେଞ୍ଜ କାର୍ଯ୍ୟାଳୟଠାରୁ ମାତ୍ର 4-5 କିଲୋମିଟର ଦୂର ସିଧପୁର ଜଙ୍ଗଲରୁ ଏକ ଦନ୍ତା ହାତୀର ମୃତଦେହ ପଡିଥିବା ଖବର ପାଇଥିଲା ବନ ବିଭାଗ । ଖବର ପାଇ ମୃତଦେହକୁ ଠାବ କରାଯାଇଥିଲା । ଗତକାଲି ହଣ୍ଡପା ରେଞ୍ଜର ଲକ୍ଷ୍ମୀପୁର ଠାରେ ଶିକାରୀର ବିଜୁଳି ତାରରେ ଲାଗି ଦନ୍ତା ହାତୀର ମୃତ୍ୟୁ ହୋଇଛି । ତେବେ ଏନେଇ ବିଭାଗ ପକ୍ଷରୁ କିଛି ସଠିକ୍ ସୂଚନା ମିଳିପାରିନାହିଁ । ଦୁଇ ଦିନ ମଧ୍ୟରେ 2ଟି ହାତୀ ମୃତ୍ୟୁ ଘଟଣା ବର୍ତ୍ତମାନ ବନବିଭାଗର କାର୍ଯ୍ୟ ଉପରେ ପ୍ରଶ୍ନବାଚୀ ସୃଷ୍ଟି କରିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
