ଅନୁଗୋଳ: ଜିଲ୍ଲାର ତାଳଚେର ପୋଲିସ ହାତରେ ଧରାପଡିଛି ଧଳା ଜହର। ବ୍ରାଉନ ସୁଗାର ବିକ୍ରି ପାଇଁ ରଖିଯାଇଥିବା ବେଳେ ଘଟଣାରେ 4 ଜଣଙ୍କୁ ଗିରଫ କରିଛି ପୋଲିସ ।
ତାଳଚେରରୁ 6.35 ଗ୍ରାମ ବ୍ରାଉନ ସୁଗାର ଜବତ
ଶନିବାର ତାଳଚେର ପୋଲିସ ସେମାନଙ୍କ ନିକଟରୁ 6.35 ଗ୍ରାମ ବ୍ରାଉନ ସୁଗାର ଜବତ କରିଛି । ଗିରଫ ଅଭିଯୁକ୍ତ ମାନେ ଢେଙ୍କାନାଳ ଜିଲ୍ଲା ଦଶୀପୁର ଗାଁର ବଳଭଦ୍ର ଦାସ, ବାଲେଶ୍ବର ମଙ୍ଗଳପୁର ଗାଁର ଅମୃତାଂସୁ ଦାସ, ବାରିପଦାର ସନ୍ତୋଷ ସ୍ବାଇଁ ଓ ଅନୁଗୋଳ କୁଲାଡ଼ ଗାଁର ପ୍ରକାଶ ସେଠ ବୋଲି ଜଣାପଡିଛି।
ସେମାନେ ବ୍ରାଉନ ସୁଗାର ବିକ୍ରି କରୁଥିବା ଖବର ପାଇ ପୋଲିସ ଚଢ଼ାଉ କରିଥିଲା। ଘଟଣାସ୍ଥଳରୁ 7 ହଜାର ଟଙ୍କା, ମୋବାଇଲ ଫୋନ, ଏଟିଏମ କାର୍ଡ ଜବତ କରିଛି। ସନ୍ଧ୍ୟାରେ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
