ଅନୁଗୋଳ: ନିର୍ମାଣ ଶ୍ରମିକଙ୍କୁ ମିଳିଲା ଆର୍ଥିକ ସହାୟତା । ସହାୟତା ରାଶି ବାଣ୍ଟିଲେ ବିଧାନସଭା ଉପବାଚସ୍ପତି ରଜନୀକାନ୍ତ ସିଂ । ଅନୁଗୁଳ ଜିଲ୍ଲାରେ ପଞ୍ଜିକୃତ ନିର୍ମାଣ ଶ୍ରମିକ ମାନଙ୍କୁ ସରକାରୀ ସହାୟତା ପ୍ରଦାନ କରିଛନ୍ତି ରାଜ୍ୟ ବିଧାନସଭା ଉପ ବାଚସ୍ପତି । ଅନୁଗୁଳ ଜିଲ୍ଲା ଟାଉନ ହଲ ସମ୍ମିଳନୀ କକ୍ଷରେ ଆୟୋଜିତ ନିର୍ମାଣ ଶ୍ରମିକ ସେବା ସପ୍ତାହ ଅବସରେ ଆୟୋଜିତ ଉତ୍ସବରେ ଏହି ସହାୟତା ରାଶି ବଣ୍ଟାଯାଇଥିଲା ।
୮୨୯ ଶ୍ରମିକ ଙ୍କୁ ମିଳିଲା ୧ କୋଟି ୪୨ ଲକ୍ଷ ଟଙ୍କା ର ଆର୍ଥିକ ସହାୟତା
ଜିଲ୍ଲା ସ୍ତରୀୟ ସମାରୋହରେ ଉପବାଚସ୍ପତିଙ୍କ ସହ ଆଠମଲ୍ଲିକ ବିଧାୟକ ରମେଶ ସାଏ ଯୋଗଦେଇ ପଞ୍ଜୀକୃତ ୮୨୯ ଜଣ ଶ୍ରମିକ ୧ କୋଟି ୪୨ ଲକ୍ଷ ଟଙ୍କା ର ଆର୍ଥିକ ସହାୟତା ପ୍ରଦାନ କରାଯାଇଛି । ଜିଲ୍ଲାର ଅନୁଗୋଳ ଶ୍ରମ ଜିଲ୍ଲା ଅଧୀନରେ ଥିବା ପାଞ୍ଚଟି ବ୍ଲକର ଶ୍ରମିକ ମାନଙ୍କୁ ଏହି ସହୟତା ପ୍ରଦାନ କରାଯାଇଛି । କାର୍ଯ୍ୟକ୍ରମରେ ଅନୁଗୁଳ ଜିଲ୍ଲାପାଳଙ୍କ ସମେତ ଶ୍ରମ ବିଭାଗର ଅଧିକାରୀ ମାନେ ଯୋଗ ଦେଇଥିଲେ ।
ଅନୁଗୁଳରୁ ସଂଗ୍ରାମ ରଂଜନ ରଥ, ଇଟିଭି ଭାରତ
