ଅନୁଗୋଳ: ଭରତପୁର କୋଇଲା ଖଣି ଦୁର୍ଘଟଣାରେ ଚାଲିଗଲା 4 ଜୀବନ । ଆଉ ଠିଆ ହେଲା ସମସ୍ୟାର ପାହାଡ । ଏପଟେ ଗତ 14 ଦିନ ଧରି ଖଣି ବନ୍ଦ ଆନ୍ଦୋଳନ ଲାଗି ରହିଥିବା ଯୋଗୁଁ ପ୍ରାୟ ୩୩ ହଜାର ଶ୍ରମିକଙ୍କ ହାତ ଯୋଡି ବସିଛନ୍ତି । କାମଧନ୍ଦା ନଥିବାରୁ ରୋଜଗାର ହରାଉଛନ୍ତି ଶ୍ରମିକ । ଏଣୁ ଏହି ଆନ୍ଦୋଳନକୁ ବନ୍ଦ କରିବାକୁ ଟ୍ରେଡ ୟୁନିଅନ ନେତାମାନେ ସ୍ବର ଉଠାଇଛନ୍ତି ।
୧୪ ଦିନ ହେବ ଖଣି ବନ୍ଦ ଥିବାରୁ ଶ୍ରମିକଙ୍କୁ କାମ ମିଳୁନି । ଏପରି ସ୍ଥିତିରେ କଣ କରିବେ ଶ୍ରମିକ ? କିପରି ପୋଷିବେ ପରିବାର । ଏ ନେଇ କୋଇଲା ଖଣି ଅଞ୍ଚଳ ରେ ଥିବା 4ଟି ଟ୍ରେଡ ୟୁନିଅନର ହଜାର ହଜାର ଶ୍ରମିକ ତାଳଚେର ଉପଜିଲ୍ଲାପାଳ ଙ୍କୁ ଭେଟି ତୁରନ୍ତ ଖଣି କାର୍ଯ୍ୟ ଆରମ୍ଭ ପାଇଁ ଦାବି କରିଛନ୍ତି ।
ଏଥିସହ ମୃତକଙ୍କ ପରିବାରକୁ ଉଚିତ କ୍ଷତିପୂରଣ ଦିଆଯାଇ ୩୩ ହଜାର ଶ୍ରମିକ ଓ ପରୋକ୍ଷ ରେ ନିର୍ଭର କରୁଥିବା ୫୦ ହଜାର ରୁ ଅଧିକ ଲୋକଙ୍କୁ ରୋଜଗାର ଯୋଗାଇବାକୁ ଦାବି ହୋଇଛି ।
ସମସ୍ତ ଘଟଣା ରେ MCL ଓ ଜିଲ୍ଲା ପ୍ରଶାସନ ଏଥିପ୍ରତି କଡା ଆଭିମୁଖ୍ୟ ଗ୍ରହଣ କରିବାକୁ ସେମାନେ ଦାବି କରିଛନ୍ତି । ଗତ ୨୨ ତାରିଖ ଭରତପୁର ଖଣି ରେ ମାଟି ଅତଡା ଖସି ଚାରି ଜଣ ଶ୍ରମିକଙ୍କ ମୃତ୍ୟୁକୁ ନେଇ ଲାଗିରହିଛି ଏହି ଅଚଳାବସ୍ଥା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
