ଅନୁଗୋଳ: ଜିଲ୍ଲାର ଛେଣ୍ଡିପଦା ବ୍ଲକ ବାଲିପଟା ରଥସାହି ପ୍ରାଥମିକ ବିଦ୍ୟାଳୟରେ କୃମି ଔଷଧ ଖାଇ ୨୬ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଅସୁସ୍ଥ। ସ୍କୁଲରେ ବଣ୍ଟାଯାଇଥିବା କୃମି ଔଷଧ ଖାଇବା ପରେ ପିଲାଙ୍କ ମୁଣ୍ଡ ବୁଲାଇବା ସହ କେତେକଙ୍କୁ ବାନ୍ତି ହୋଇଥିଲା ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଏହା ଦେଖି ତୁରନ୍ତ ଛାତ୍ରଛାତ୍ରୀଙ୍କୁ ନିକଟସ୍ଥ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ଚିକିତ୍ସା ପରେ ସମସ୍ତ ଛାତ୍ରଛାତ୍ରୀ ସୁସ୍ଥ ଥିବା ଜଣାପଡିଛି । ସୂଚନା ଥାଉକି ଗୁରୁବାର ଛେଣ୍ଡିପଦା ବ୍ଲକର ସମସ୍ତ ସରକାରୀ ଓ ବେସରକାରୀ ବିଦ୍ୟାଳୟ ଗୁଡିକରେ ସାମୁହିକ କୃମି ଔଷଧ ସେବନ ପାଇଁ ପୂର୍ବରୁ ପରାମର୍ଶ ଦିଆଯାଇଥିଲା ।
ଏଥିପାଇଁ ପ୍ରତ୍ୟକ ବିଦ୍ୟାଳୟର ଜଣେ ଲେଖାଏଁ ଶିକ୍ଷକଙ୍କୁ ସ୍ବାସ୍ଥ୍ୟ ବିଭାଗ ପକ୍ଷରୁ ତାଲିମ ଦିଆଯାଇଥିଲା । ସେମାନଙ୍କ ପରାମର୍ଶ ପରେ ଛାତ୍ରଛାତ୍ରୀଙ୍କୁ ବିଦ୍ୟାଳୟରେ କୃମି ଔଷଧ ଦିଆଯାଇଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
