ଅନୁଗୋଳ: ଅନୁଗୋଳ ଜେଲରେ କୋରୋନା । ଆଜି ଜେଲର 24 ଜଣ ବିଚାରାଧୀନ କଏଦୀ କୋରୋନା ପଜିଟିଭ ଥିବା ଜେଲ କର୍ତ୍ତୃପକ୍ଷ ସୂଚନା ଦେଇଛନ୍ତି । ଗତ ତିନିଦିନ ତଳେ କାରାଗାରରେ ଜଣେ କୋରୋନା ପଜିଟିଭ ଚିହ୍ନଟ ହୋଇଥିବା ବେଳେ ଆଜି 24 ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି ।
ଅନୁଗୋଳ ଜେଲରେ 24 କଏଦୀ କୋରୋନା ପଜେଟିଭ ଚିହ୍ନଟ
କଏଦୀ ମାନେ କୋରୋନା ସଂକ୍ରମିତ ହେବା ପରେ ଆଜି ଅପରାହ୍ନରେ ସ୍ବାସ୍ଥ୍ୟ ବିଭାଗର ଏକ ଟିମ ଅନୁଗୋଳ କାରାଗାରରେ ପହଞ୍ଚିଥିଲେ । ସେମାନେ ଆକ୍ରାନ୍ତ କଏଦୀ ମାନଙ୍କୁ ମେଡ଼ିସିନ କିଟ୍ ଦେବା ସହ ସେମାନଙ୍କ ସ୍ବାସ୍ଥ୍ୟ ଅବସ୍ଥା ପଚାରି ବୁଝିଥିଲେ । ଆକ୍ରାନ୍ତ ମାନଙ୍କୁ ସ୍ବତନ୍ତ୍ର ଆଇସୋଲେସନ ୱାଡ଼ରେ ରଖାଯାଇଛି । ସ୍ବାସ୍ଥ୍ୟ ବିଭାଗର ଟିମ ସେମାନଙ୍କ ସ୍ବାସ୍ଥ୍ୟ ଅବସ୍ଥା ପଚାରି ବୁଝିବା ସବ ନିୟମିତ ଔଷଧ ସେବନ ପାଇଁ ପରାମର୍ଶ ଦେଇଛନ୍ତି । ତେବେ କାରାଗାରରେ କୋରୋନାର ପ୍ରବେଶ ଏବେ ଜେଲ କର୍ତ୍ତୃପକ୍ଷଙ୍କ ଚିନ୍ତା ବଢ଼ାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
