ଅନୁଗୋଳ: ସମଲ ବ୍ୟାରେଜରେ ଅଘଟଣ । ଗାଧେଇଲା ବେଳେ ନଦୀରେ ବୁଡି ଦୁଇ ଯୁବକଙ୍କ ମୃତ୍ୟୁ । ମୃତକ ଦ୍ବୟ ହେଲେ ସମଲ ଥାନା ଅଞ୍ଚଳର କାହ୍ନୁ ଚରଣ ମହାରଣା ଓ ବିଶ୍ୱ ରଞ୍ଜନ ନାଏକ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନା ଅନୁଯାୟୀ, କାହ୍ନୁ ଓ ବିଶ୍ୱରଞ୍ଜନ ଅନ୍ୟଜଣେ ସାଙ୍ଗ ସହ ମିଶି ବ୍ରାହ୍ମଣୀ ନଦୀ ଉପରେ ଥିବା ବ୍ୟାରେଜ ତଳ ମୁଣ୍ଡ ନଦୀକୁ ଗାଧେଇବାକୁ ଯାଇଥିଲେ । ତେବେ କୌଣସି କାରଣ ବଶତଃ ଦୁଇ ଜଣ ନଦୀରେ ବୁଡି ଯାଇ ଥିଲେ । ଅନ୍ୟ ଜଣେ ସାଙ୍ଗ ପାଖଲୋକଙ୍କୁ ଡାକିଥିଲେ ଓ ତୁରନ୍ତ ପୋଲିସ ଏବଂ ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ସେମାନଙ୍କ ମୃତଦେହ ନଦୀରୁ ଉଦ୍ଧାର କରିଛି ।
ଅନ୍ୟପଟେ ଘଟଣାର ଅଧିକ ତଦନ୍ତ ଜାରି ରଖିଛି ପୋଲିସ। ଘଟଣାକୁ ନେଇ ସମଗ୍ର ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
