ଟୋକିଓ: ଟୋକିଓ ଅଲମ୍ପିକ୍ସର ଅଷ୍ଟମ ଦିନ ଭାରତୀୟ କ୍ରୀଡା଼ବିତଙ୍କ ପାଇଁ ଗୁରୁତ୍ବପୂର୍ଣ୍ଣ ମ୍ୟାଚ ଖେଳାଯିବ । ବିଶେଷ କରି ରାଜ୍ୟ ପାଇଁ ଏକ ଗୁରୁତ୍ବପୂର୍ଣ୍ଣ ଦିନ ରହିବ ଅଷ୍ଟମ ଦିନ ଟୋକିଓ ଅଲମ୍ପିକ୍ସ । କାରଣ ଦୌଡ଼ାରାଣୀ ଦୂତି ଚାନ୍ଦ କାଲି ପ୍ରଥମ ଥର ପାଇଁ ଟ୍ରାକକୁ ଓହ୍ଲାଇବାକୁ ଯାଉଛନ୍ତି । ଏହାସହ ବହୁ ଅଷ୍ଟମ ଦିନ ଟୋକିଓ ଅଲମ୍ପିକ୍ସରେ ବହୁ ଯୋଗ୍ୟତା ପର୍ଯ୍ୟାୟ ଇଭେଣ୍ଟରେ ଯୋଗ ଦେବେ ଭାରତୀୟ କ୍ରୀଡ଼ାବିତ ।
ସୁଟିଂ
ସକାଳ ୫.୩୦ ମିନିଟପରେ ପ୍ରଥମେ ସୁଟିଂ ଇଭେଣ୍ଟରୁ ଦିନ ଆରମ୍ଭ କରିବେ ଭାରତୀୟ କ୍ରୀଡ଼ାବିତ୍ । ରାପିଡ କ୍ବାଲିଫିକେଶନ ପାଇଁ ରାହି ସର୍ଣ୍ଣୋବାତ ଓ ମନୁ ଭାକର ପ୍ରତିଦ୍ବିନ୍ଦିତା କରିବେ ।
ତୀରନ୍ଦାଜ
ଏହାପରେ ସକାଳ ୬ଟାରେ ତୀରନ୍ଦାଜ ଇଭେଣ୍ଟର ମହିଳା ଏକକ ବର୍ଗରେ ଦୀପିକା କୁମାର ପ୍ରତିଦ୍ବନ୍ଦିତା କରିବେ ।
ଆଥଲେଟିକ୍ସ
ସକାଳ 6.୧୭ ମିନିଟରେ ଟୋକିଓ ଅଲମ୍ପିକ୍ସରେ ଆରମ୍ଭ ହେବ ଆଥଲେଟିକ୍ସ ଇଭେଣ୍ଟ । ୩ ହଜାର ମିଟର ଷ୍ଟିପଲଚେସର ପ୍ରଥମ ରାଉଣ୍ଡର ହିଟ୍-୨ରେ ପ୍ରତିଦ୍ବନ୍ଦିତା କରିବେ ଭାରତୀୟ ଆଥଲେଟ ଅଭିନାଶ ମୁକୁନ୍ଦ ସାବଲ ।
ହକି
ସକାଳ ୮.୧୫ ମିନିଟରେ ଭାରତୀୟ ମହିଳା ହକି ଦଳ ଏକ କର ବା ମର ମ୍ୟାଚର ସମ୍ମୁଖୀନ ହେବ । ପୁଲ-ଏ'ର ଏକ ମ୍ୟାଚରେ ଆୟରଲାଣ୍ଡକୁ ଭେଟିବ ଭାରତୀୟ ଦଳ ।
ବକ୍ସିଂ
ଲାଇଟ ବକ୍ସିଂ ଇଭେଣ୍ଟର ୫୭ରୁ ୬୦ କେଜି ବର୍ଗର ରାଉଣ୍ଡ ୧୬ରେ ସିମରନଜିତ କୌର ପ୍ରତିଦ୍ବନ୍ଦିତା କରିବେ । ସକାଳ ୮.୧୮ରେ ଖେଳାଯିବା ଏହି ଇଭେଣ୍ଟ ।
ଆଥଲେଟିକ୍ସ
ପୁନଃ ୮.୨୭ ମିନିଟରେ ପୁରୁଷ ବର୍ଗର ୪୦୦ ମିଟର ହର୍ଡଲ ରେସ ଇଭେଣ୍ଟରେ ଏମପି ଜବିର ପ୍ରତିଦ୍ବନ୍ଦିତା କରିବେ ।
ସେଲିଂ
ସକାଳ ୮.୩୫ ମିନିଟରେ ମହିଳା ବିଭାଗର ଏକକ ବର୍ଗରେ ONE PERSON DINGHY LASER RADIAL ରେସରେ ନେତ୍ରା କୁମାନନ୍ ପ୍ରତିଦ୍ବନ୍ଦିତା କରିବେ । ଏହାପରେ ପୁରୁଷ ବିଭାଗର ମଧ୍ୟ ରେସ ନମ୍ବର ୧୦ରେ ଗଣପତି କଲାପଣ୍ଡା ଓ ବରୁଣ ଠକ୍କର ପ୍ରତିଦ୍ବନ୍ଦିତା କରିବେ ।
ଆଥଲେଟିକ୍ସ
୮.୪୫ ମିନିଟ ସମୟରେ ମହିଳା ବିଭାଗରେ ୧୦୦ ମିଟର ରେସର ପ୍ରଥମ ରାଉଣ୍ଡରେ ଦୌଡ଼ରାଣୀ ଦୂତି ଚାନ୍ଦ ପ୍ରତିଦ୍ବନ୍ଦିତା କରିବେ ।
ବକ୍ସିଂ
ସକାଳ ୮.୪8 ମିନିଟରେ ମହିଳା ବିଭାଗର ୱେଲଟର ବକ୍ସିଂ ଇଭେଣ୍ଟରେ ଲଭ୍ଲିନା ବୋର୍ଗୋହେନ ଦ୍ବିତୀୟ କ୍ବାର୍ଟରଫାଇନାଲ ମ୍ୟାଚରେ ପ୍ରତିଦ୍ବନ୍ଦିତା କରିବେ ।
ଗଲ୍ଫ
ପୁରୁଷ ଗଲ୍ଫ ଏକକ ବର୍ଗର ଦ୍ବିତୀୟ ରାଉଣ୍ଡରେ ଅନିର୍ବାଣ ଲହିରି ପ୍ରତିଦ୍ବନ୍ଦିତା କରିବ । ସକାଳ ୮.୫୨ମିନିଟରେ ଏହି ଇଭେଣ୍ଟ ଆରମ୍ଭ ହେବ ।
ସୁଟିଂ
ଏହାପରେ ସକାଳ ୧୦.୩୦ ମିନିଟରେ ମହିଳି ବିଭାଗ ପିସ୍ତଲ ସୁଟିଂ ଇଭେଣ୍ଟର ଯୋଗ୍ୟତା ପର୍ଯ୍ୟାୟ ଖେଳାଯିବ ।
ସେଲିଂ
ONE PERSON DINGHY LASER RADIAL ରେସର ପୁରୁଷ ବର୍ଗରେ ବିଶ୍ଣୁ ସର୍ବାନନ୍ ରାଉଣ୍ଡ-୧୦ରେ ପ୍ରତିଦ୍ବନ୍ଦିତା କରିବେ ।
ବ୍ୟାଡମିଣ୍ଟନ
ଅପରାହ୍ଣ ୧.୧୫ ମିନିଟରେ ମହିଳା ବିଭାଗର ଏକକ ବର୍ଗରେ ଭାରତୀୟ ବ୍ୟାଡମିଣ୍ଟନ ତାରକା ପିଭି ସିନ୍ଧୁ ପ୍ରତିଦ୍ବନ୍ଦିତା କରିବେ ।
ହକି
ଅପରାହ୍ଣ ୩ଟାରେ ଭାରତୀୟ ପୁରୁଷ ହକି ଦଳ ଜାପାନକୁ ଭେଟିବ । ଆଜିର ମ୍ୟାଚରେ ଆର୍ଜେଣ୍ଟିନାକୁ ମାତ ଦେଇଛି ଦଳ ।
ଆଥଲେଟିକ୍ସ
ଅପରାହ୍ଣ ୪.୪୨ ମିନିଟରେ ମିଶ୍ରିତ ରିଲେ ରେସରେ ରେବତୀ ବୀରମଣି, ଶୁଭ ଭେଙ୍କେଟେସନ, ଆଲେକ୍ସ ଆଣ୍ଟୋନୀ, ସାର୍ଥକ ଭାମ୍ବରୀ ପ୍ରତିଦ୍ବନ୍ଦିତା କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
