ଟୋକିଓ: ଶନିବାର Tokyo Olympics ରେ ଭାରତୀୟ ଖେଳାଳି ନିଜର ଶ୍ରେଷ୍ଠ ପ୍ରଦର୍ଶନ କରିବା ସତ୍ତ୍ବେ ସେତେଟା ସଫଳତା ପାଇ ପାରିନଥିଲେ । ଶୁଟିଂ, ତୀରନ୍ଦାଜୀ, ବକ୍ସିଂ ରେ ପଦକ ଆଶା ମଉଳି ଯାଇଥିବା ବେଳେ ବ୍ୟାଡମିଣ୍ଟରେ ପରାଜୟ ସତ୍ତ୍ବେ କାଂଶ୍ୟ ପଦକ ପାଇଁ ବର୍ତ୍ତମାନ ମଧ୍ୟ ପିଭି ସିନ୍ଧୁଙ୍କ ଉପରେ ସଭିଙ୍କ ଆଶା ରହିଛି ।
ସେପଟେ ଭାରତୀୟ ମହିଳା ହକି ଟିମ୍ ଶନିବାର ଚମତ୍କାର ପ୍ରଦର୍ଶନ କରି ଦକ୍ଷିଣ ଆଫ୍ରିକାକୁ ମାତ ଦେଇଛି । ଏହାସହ ଆୟରଲାଣ୍ଡକୁ ଗ୍ରେଟ ବ୍ରିଟେନ ପରାସ୍ତ କରିବାରୁ କ୍ବାର୍ଟର ଫାଇନାଲରେ ମଧ୍ୟ ସ୍ଥାନ ପକ୍କା କରିଛି ଦଳ ।
ତେବେ ଆସନ୍ତୁ ନଜର ପକାଇବା ଶନିବାର କଣ ରହିଥିଲା ଭାରତର ଇଭେଣ୍ଟ ଓ ଫଳାଫଳ ।
ବ୍ୟାଡମିଣ୍ଟନ (ମହିଳା ଏକକ ବର୍ଗ ସେମି ଫାଇନାଲ): ତାଇ ଜୁ ୟିଙ୍ଗ ଙ୍କ ଠାରୁ ୧୮-୨୧, ୧୨-୨୧ ପିଭି ସିନ୍ଧୁ ପରାସ୍ତ ।
ତୀରନ୍ଦାଜୀ: ପ୍ରି କ୍ବାର୍ଟର ଫାଇନାଲରେ ଲଣ୍ଡନ ଅଲମ୍ପିକ ସ୍ବର୍ଣ୍ଣ ପଦକ ବିଜେତା ତାକାହାରୁ ଫୁରୁକାୱାଙ୍କ ଠାରୁ ୪-୬ ସେଟ୍ରେ ହାରିଲେ ଅତନୁ ଦାସ ।
ଶୁଟିଂ (୫୦ ମିଟର ରାଇଫଲ ୩ପି ଇଭେଣ୍ଟ): ଉଭୟ ଅଞ୍ଜୁମ ମୌଦଗିଲ ଓ ତେଜସ୍ବିନୀ ସାୱନ୍ତ ଫାଇନାଲକୁ ଉତିର୍ଣ୍ଣ ହୋଇନାହାନ୍ତି । ଅଞ୍ଜୁମ ୧୧୬୭ ପଏଣ୍ଟ ସହ ୧୫ ତମ ସ୍ଥାନରେ ରହିଥିବା ବେଳେ ତେଜସ୍ବିନୀ ୧୧୫୪ ୩୩ତମ ସ୍ଥାନରେ ରହିଥିଲେ । ଶ୍ରେଷ୍ଠ ୮ ଶୁଟର ଫାଇନାଲକୁ ଉତିର୍ଣ୍ଣ ।
ବକ୍ସିଂ (ପୁରୁଷ ୫୨ କିଗ୍ରା ବର୍ଗ, ଦ୍ବିତୀୟ ପର୍ଯ୍ୟାୟ): ରିଓ ଅଲମ୍ପିକ ରୌପ୍ୟ ପଦକ ବିଜେତାଙ୍କ ଠାରୁ ଅମିତ ପଙ୍ଘାଲ ୧.୪ରେ ପରାସ୍ତ ।
ବକ୍ସିଂ (୭୫ କିଗ୍ରା ମହିଳା କ୍ବାର୍ଟର ଫାଇନାଲ): ପୂର୍ବତନ ବିଶ୍ବ ଚାମ୍ପିୟନ ଲି କିଆନ ଭାରତୀୟ ବକ୍ସର ପୂଜା ରାନୀଙ୍କୁ ୫.୦ରେ କଲେ ପରାସ୍ତ ।
ହକି (ମହିଳା): ଦଣିକ୍ଷ ଆଫ୍ରିକାକୁ ୪-୩ ରେ ପରାସ୍ତ କଲା ଭାରତୀୟ ମହିଳା ହକି ଟିମ୍ ଓ ପ୍ରଥମ ଥର ପାଇଁ ଅଲମ୍ପିକ୍ସ କ୍ବାର୍ଟର ଫାଇନାଲକୁ ଉତିର୍ଣ୍ଣ ।
ଆଥଲେଟିକ୍ସ (ମହିଳା ଡିସକସ୍ ଥ୍ରୋ): ଫାଇନାଲରେ ଭାରତୀୟ ଆଥଲେଟ କମଲପ୍ରୀତ କୌର । ୬୪.୦ମିଟର ଡିସ୍କସ ଫିଙ୍ଗି ଦ୍ବିତୀୟ ସ୍ଥାନରେ ରହିଛିଲେ କମଲ ।
ଆଥଲେଟିକ୍ସ (ମହିଳା ଡିସ୍କସ ଥ୍ରୋ): ସୀମା ପୁନିଆ ଫାଇନାଲ ଖେଳିବାରୁ ବଞ୍ଚିତ । ୬୦.୫୭ ମିଟର ଫିଙ୍ଗି ୩୧ ଆଥଲେଟଙ୍କ ମଧ୍ୟରେ ୧୬ତମ ସ୍ଥାନରେ ରହିଲେ ପୁନିଆ ।
ଆଥଲେଟିକ୍ସ (ପୁରୁଷ ଲଙ୍ଗ ଜମ୍ପ): ୩୧ ଆଥଲେଟଙ୍କ ମଧ୍ୟ ୨୫ ତମ ସ୍ଥାନରେ ରହିଲେ ମୁରଲୀ ଶ୍ରୀଶଙ୍କର । ଫାଇନାଲ ଖେଳିବାରୁ ହେଲେ ବଞ୍ଚିତ ।
ଗଲ୍ଫ: ତୃତୀୟ ରାଉଣ୍ଡ ପରେ ଅନିର୍ବାନ ଲେହରୀ ୨୮ ତମ ସ୍ଥାନରେ ରହିଥିଲେ ।
ଗଲ୍ଫ: ୫୫ତମ ସ୍ଥାନରେ ରହିଲେ ଉଦୟ ମାନେ ।
ନୌଚାଳନା (ପୁରୁଷ ସ୍କିଫ୍ ୪୯er): 19 ଟି ଦଳ ମଧ୍ୟରେ ୧୭ତମ ସ୍ଥାନରେ ରହିଲେ ଗଣପତି ଓ ପରୁଣ ଠକ୍କର ।
ଘୋଡ଼ାଦୌଡ଼: 28 ପଏଣ୍ଟ ସହ ନବମ ସ୍ଥାନରେ ରହିଲେ ଫୱାଦ ମୀର୍ଜା ।
ବ୍ୟୁରୋ ରିପୋର୍ଟ, ଇଟିଭି ଭାରତ
