ଲଣ୍ଡନ: ଚଳିତ ୱିମ୍ବଲଡନ ଚମ୍ପିଆନସିପ୍ରୁ ବାଦ ପଡିଲେ ଭାରତୀୟ ଟେନିସ ଷ୍ଟାର ସାନିଆ ମୀର୍ଜା ଓ ଡବଲ୍ସ ପାର୍ଟନର ବେଥାନି ମାଟେକ-ସାଣ୍ଡସ । ମହିଳା ଡବଲ୍ସ ବର୍ଗର ଦ୍ବିତୀୟ ରାଉଣ୍ଡ ମ୍ୟାଚ୍ରେ ଋଷିଆନ ଯୋଡି ଭେରୋନିକା କୁଦେରମେଟୋଭା ଓ ଏଲିନା ଭେସନିନାଙ୍କ ଠାରୁ 4-6,3-6 ସେଟ୍ରେ ପରାସ୍ତ ହୋଇଛନ୍ତି ସାନିଆ ଓ ବେଥାନି ।
ପ୍ରଥମ ସେଟ୍ରେ କଡା ଟକ୍କର ଦେଇଥିଲେ ସାନିଆ ଓ ବେଥାନି, ମାତ୍ର ଋଷିଆନ ଯୋଡି ଦମଦାର ପ୍ରଦର୍ଶନ ସହ ମ୍ୟାଚ ଛଡାଇନେଇଥିଲେ । ପରେ ଦ୍ବିତୀୟ ସେଟ୍ରେ ମଧ୍ୟ ଆକ୍ରମଣାତ୍ମକ ରଣନୀତି ସହ ସହଜ ବିଜୟ ହାସଲ ହାସଲ କରିଥିଲେ ।
ଗୁରୁବାର ସାନିଆ ଓ ବେଥାନି ଡବଲ୍ସ ଯୋଡି ଡିଜାରେ କ୍ରାୱାଡକେ ଓ ଆଲେକ୍ସା ଗୁରାଚିଙ୍କୁ ପ୍ରଥମ ରାଉଣ୍ଡରେ ହରାଇ ଦ୍ବିତୀୟ ରାଉଣ୍ଡକୁ ଉନ୍ନୀତ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
