ହାଇଦ୍ରାବାଦ: ଭାରତୀୟ ଟେନିସ ଷ୍ଟାର ସାନିଆ ମିର୍ଜାଙ୍କ ସଫଳ ପ୍ରଦର୍ଶନ ଜାରି ରହିଛି । ହୋବାର୍ଟ ଇଣ୍ଟରନ୍ୟାସନାଲର ମହିଳା ଡବଲ୍ସ ବର୍ଗରେ ସେମିଫାଇନାଲରେ ପ୍ରବେଶ କରିଛନ୍ତି ସାନିଆ ।
ପ୍ରାୟ 2ବର୍ଷ ପରେ କୋର୍ଟକୁ ଫେରିଛନ୍ତି ସାନିଆ । ବର୍ଷ 2017ରେ ସେ ଚାଇନା ଓପନରେ ଶେଷ ଟୁର୍ଣ୍ଣାମେଣ୍ଟ ଖେଳିଥିଲେ । ମାଆ ହେବା ପରେ ପ୍ରଥମ ଟୁର୍ଣ୍ଣାମେଣ୍ଟ ଖେଳୁଛନ୍ତି ପୂର୍ବତନ ବିଶ୍ବର ନଂ1 ଖେଳାଳି ସାନିଆ । ତେବେ ସମାନ ଆକ୍ରମଣାତ୍ମକ ଅନ୍ଦାଜରେ ତାଙ୍କୁ ଦେଖିବାକୁ ମିଳିଛି ।
କ୍ବାର୍ଟରଫାଇନାଲ ମୁକାବିଲାରେ ସାନିଆ ଡବଲ୍ସ ପାର୍ଟନର ୟୁକ୍ରେନର ନାଦିଆ କିଚନୋକ, ଆମେରିକାର ମେକହେଲ ଓ କିଙ୍ଗ ଯୋଡିକୁ 6-2, 4-6, 10-4 ସେଟରେ ପରାସ୍ତ କରିଛନ୍ତି ।
