ପ୍ୟାରିସ୍: ଋଷିଆର ଆନାସ୍ତସିଆ ପାଭଲ୍ୟୁଚେଙ୍କୋଭା ଗୁରୁବାର ଚଳିତ ଫ୍ରେଞ୍ଚ ଓପନର ଫାଇନାଲରେ ପ୍ରବେଶ କରିଛନ୍ତି । 29ବର୍ଷୀୟା ଋଷିଆ ଖେଳାଳି ସ୍ଲୋଭାନିଆର ତମାରା ଜିଡାନସେକଙ୍କୁ ସେମିଫାଇନାଲ ମୁକାବିଲାରେ 7-5,-6-3 ସେଟ୍ରେ ହରାଇଛନ୍ତି ।
ପ୍ରଥମ ସେଟ୍ରେ ଉଭୟ ଖେଳାଳିଙ୍କ ମଧ୍ୟରେ କଡା ମୁକାବିଲା ଦେଖିବାକୁ ମିଳିଥିଲା । କେହି ବି ଗୋଟିଏ ପଏଣ୍ଟ ହରାଇବାକୁ ଚାହୁଁନଥିଲେ । 5-5ରେ ଏକ ସମୟରେ ବରାବର ରହିଥିଲା ପଏଣ୍ଟ । ମାତ୍ର ଚମତ୍କାର ପ୍ରଦର୍ଶନ ସହ ପ୍ରଥମ ସେଟ୍କୁ ଜିତିନେଇଥିଲେ ପାଭଲ୍ୟୁଚେଙ୍କୋଭା । ଏଥିସହ ଦ୍ବିତୀୟ ସେଟ୍ରେ ଚତୁରତାର ସହ ଖେଳି ଏକତରଫା ଜିତିଥିଲେ ।
ଦ୍ବିତୀୟ ମହିଳା ସେମିଫାଇନାଲ ମ୍ୟାଚ୍ ବାର୍ବୋରା କ୍ରେଜକିଭୋ ଓ ମାରିଆ ସକାରିଙ୍କ ମଧ୍ୟରେ ଖେଳାଯିବ । ଏହି ମ୍ୟାଚର ବିଜେତା ପାଭଲ୍ୟୁଚେଙ୍କୋଭା ସହ ଫାଇନାଲରେ ଟାଇଟେଲ ଲଢେଇରେ ମୁହାଁମୁହିଁ ହେବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
