ପ୍ୟାରିସ୍: ଚଳିତ ଫ୍ରେଞ୍ଚ ଓପନର ଚତୁର୍ଥ ରାଉଣ୍ଡରେ ଶନିବାର ପ୍ରବେଶ କରିଛନ୍ତି ଡିଫେଣ୍ଡିଂ ଚମ୍ପିଆନ ରାଫେଲ ନାଦାଲ । ଚଳିତ ଗ୍ରାଣ୍ଡ ସ୍ଲାମ ଟୁର୍ଣ୍ଣାମେଣ୍ଟର ତୃତୀୟ ରାଉଣ୍ଡରେ ଇଂଲଣ୍ଡର କେମରନ ନୋରିଙ୍କୁ 6-3,6-3,6-3 ସେଟ୍ରେ ହରାଇଛନ୍ତି ନାଦାଲ ।
35 ବର୍ଷୀୟ ନାଦାଲ ପ୍ରଥମ ସେଟ୍ରେ ମାତ୍ର 3ଟି ପଏଣ୍ଟ ହରାଇଥିଲେ ମଧ୍ୟ 6-3ରେ ଜିତିନେଇଥିଲେ । ଏହାପରେ ଇଂଲିସ ପ୍ରତିପକ୍ଷଙ୍କୁ କମବ୍ୟାକ କରିବାର କୌଣସି ସୁଯୋଗ ଦେଇନଥିଲେ । ପରବର୍ତ୍ତୀ ଦୁଇଟି ସେଟ୍ରେ ମଧ୍ୟ ଏକତରଫା ବିଜୟ ସହ ତୃତୀୟ ରାଉଣ୍ଡ ମ୍ୟାଚରେ ବିଜୟୀ ହୋଇଥିଲେ ।
ପୂର୍ବରୁ ନୋଭାକ ଜୋକଭିକ ମଧ୍ୟ ଚତୁର୍ଥ ରାଉଣ୍ଡକୁ ଉନ୍ନୀତ ହୋଇଛନ୍ତି । ଜୋକଭିକ ତୃତୀୟ ରାଉଣ୍ଡ ମ୍ୟାଚରେ ଲିଥୁଆନିଆର ରିଚାର୍ଡ ବେରାଙ୍କିସଙ୍କୁ 6-1,6-4,6-1 ସେଟ୍ରେ ହରାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
