ନୂଆଦିଲ୍ଲୀ: କ୍ବାରେଣ୍ଟାଇନରେ ଭାରତର ଷ୍ଟାର ଟେନିସ ଖେଳାଳି ରୋହନ ବୋପନ୍ନା । ଅଷ୍ଟ୍ରେଲିଆନ ଓପନରେ ଅଂଶ ଗ୍ରହଣ କରିବା ପାଇଁ ଦୋହାରୁ ମେଲବର୍ଣ୍ଣକୁ ଉଡାଣ ଭରିଥିଲେ । ରବିବାର ଦୋହା(କ୍ୟୁଆର 7485)ରୁ ଉଡାଣ ଭରିଥିବା ବିମାନରେ ଜଣେ ଯାତ୍ରୀଙ୍କ ରିପୋର୍ଟ ପଜିଟିଭି ଆସିଥିଲା । ଫଳରେ ଅଷ୍ଟେଲିଆନ ଓପନ ପୂର୍ବରୁ ବୋପନ୍ନାଙ୍କୁ କଡା କ୍ବାରେଣ୍ଟାଇନରେ ରହିବାକୁ ପଡିବ ।
ଭିକ୍ଟୋରିଆ, ଏଞ୍ଜୋଲିକ, କେଇ ନିଶିକୋରୀ ଭଳି ପ୍ରମୁଖ ଷ୍ଟାର ଖେଳାଳିଙ୍କ ସମେତ 47 ଖେଳାଳି କୋଭିଡ-19 ପ୍ରଭାବିତ ଉଡାଣ ଯୋଗୁଁ ଅଷ୍ଟ୍ରେଲିଆରେ ପୂର୍ବରୁ କ୍ବାରେଣ୍ଟାଇନରେ ରହିଛନ୍ତି । 2ଟି ଚାର୍ଟର୍ଡ ଉଡାଜାହାଜରେ ଯାତ୍ରା କରୁଥିବା ଖେଳାଳି ଓ କର୍ମଚାରୀଙ୍କ ରିପୋର୍ଟ କୋରୋନା ପଜିଟିଭ ଆସିବାପରେ ଅଷ୍ଟ୍ରେଲିଆରେ ପହଞ୍ଚି ସମସ୍ତେ କ୍ବାରେଣ୍ଟାଇନରେ ରହିଛନ୍ତି ।
40ବର୍ଷୀୟ ବୋପନ୍ନା ଅଲମ୍ପିକ ଚ୍ୟାନେଲକୁ କହିଛନ୍ତି ଯେ, ଆମମାନଙ୍କୁ କେବଳ ସୂଚିତ କରାଗଲା ଆମ ଫ୍ଲାଇଟ୍ରେ ଜଣେ ବ୍ୟକ୍ତିଙ୍କ ରିପୋର୍ଟ ପଜିଟିଭ ଆସିଛି । ଦୋହାରୁ 2ଟି ଫ୍ଲାଇଟ୍ ଉଡାଣ ଭରିଥିଲା, ଦୁର୍ଭାଗ୍ୟବଶତଃ କୋରୋନା ପଜିଟିଭ ଯାତ୍ରୀ ଆମ ସହ ଯାତ୍ରା କରୁଥିଲେ । ତେବେ ସେ ଆହୁରି ମଧ୍ୟ କହିଛନ୍ତି କ୍ବାରେଣ୍ଟାଇନ ବେଳେ ନିଜକୁ ବ୍ୟସ୍ତ ରଖିବା ଜରୁରୀ । ମୁଁ କୌଣସି ଏକ ଅନଲାଇନ କୋର୍ସ କରିବି କିମ୍ବା ଟିଭି ଦେଖିବି ।
