ପୁଣି ବିବାଦରେ ପଶ୍ଚିମବଙ୍ଗ ରାଜ୍ୟପାଳ, ଫଟୋ ପାଇଁ ଛେତ୍ରୀଙ୍କୁ ହଟିବାକୁ କହି ହଟହଟା

ସମ୍ମାନଜନକ ଦୁରନ୍ଦ କପ ଫାଇନାଲ ମ୍ୟାଚ୍‌ରେ ପ୍ରତିଦ୍ବନ୍ଦ୍ବୀ ଦଳ ମୁମ୍ବାଇ ଏଫସିକୁ ୨-୧ ଗୋଲରେ ହରାଇ ବେଙ୍ଗାଲୁରୁ ଏଫସି ଚମ୍ପିଆନ ହୋଇଛି (Bengaluru FC beat Mumbai City ) । ତେବେ ଫାଇନାଲ ମ୍ୟାଚ୍‌ ପରେ ପୁରସ୍କାର ବିତରଣ ସମାରୋହର ଏକ ଭିଡିଓ ବେଶ୍‌ ଭାଇରାଲ ହେବାରେ ଲାଗିଛି । ଅଧିକ ପଢନ୍ତୁ

କୋଲକାତା: ଚଳିତ ବର୍ଷ ଦୁରନ୍ଦ କପ ( Durand Cup ) ଟାଇଟଲ ହାସଲ କରିବାରେ ସଫଳ ହୋଇଛି ବେଙ୍ଗାଲୁରୁ ଏଫସି । ରବିବାର ଖେଳାଯାଇଥିବା ଫାଇନାଲ ମ୍ୟାଚରେ ପ୍ରତିଦ୍ବନ୍ଦ୍ବୀ ଦଳ ମୁମ୍ବାଇ ଏଫସିକୁ ୨-୧ ଗୋଲରେ ହରାଇ ବେଙ୍ଗାଲୁରୁ ଏଫସି ଚମ୍ପିଆନ ହୋଇଛି (Bengaluru FC beat Mumbai City ) । ବେଙ୍ଗାଲୁରୁ ଏଫସି ଅଧିନାୟକ ସୁନୀଲ ଛେତ୍ରୀଙ୍କ ( Sunil Chhetri ) ନେତୃତ୍ବରେ ଦଳ ପ୍ରଥମ ଥର ପାଇଁ ଦୁରନ୍ଦ କପ ଟାଇଟଲ ହାତେଇବାରେ ସଫଳ ହୋଇଛି । ତେବେ ଫାଇନାଲ ମ୍ୟାଚ୍‌ ପରେ ପୁରସ୍କାର ସମାରୋହର ଏକ ଭିଡିଓ ବେଶ ଭାଇରାଲ ହେବାରେ ଲାଗିଛି । ଭିଡିଓରେ ଅତିଥୀ ଭାବେ ଯୋଗଦେଇଥିବା ପଶ୍ଚିମବଙ୍ଗ ରାଜ୍ୟପାଳ ଫଟୋରେ ନଜର ଆସିବା ପାଇଁ ଚମ୍ପିଆନ ଟିମ ଅଧିନାୟକଙ୍କୁ ସାମ୍ନାରୁ ହଟାଇ ନିଜେ ଆଗକୁ ଆସିଥିବା ଦେଖାଯାଇଛି । ଏହାକୁ ନେଇ ଅନେକ କ୍ରୀଡାପ୍ରେମୀ ଅସନ୍ତୋଷ ବ୍ୟକ୍ତ କରିଛନ୍ତି ।

• Disgraceful https://t.co/Tus6U5mKfA

  — Aakash Chopra (@cricketaakash) September 19, 2022 " class="align-text-top noRightClick twitterSection" data="

  Disgraceful https://t.co/Tus6U5mKfA

  — Aakash Chopra (@cricketaakash) September 19, 2022

  ">

  Disgraceful https://t.co/Tus6U5mKfA

  — Aakash Chopra (@cricketaakash) September 19, 2022

କ'ଣ ଥିଲା ସଂପୂର୍ଣ୍ଣ ଘଟଣା

ପଶ୍ଚିମବଙ୍ଗ ରାଜ୍ୟପାଳ (Governor of Bengal La. Ganesan) ଗଣେଶନ ଅତିଥୀ ଭାବରେ ଦୁରନ୍ଦ କପରେ ଯୋଗ ଦେଇଥିଲେ। ଫାଇନାଲ ମ୍ୟାଚ୍‌ ପରେ ଚମ୍ପିଆନ ଦଳ ଅଧିନାୟକ ସୁନୀଲ ଛେତ୍ରୀଙ୍କୁ ମଞ୍ଚ ଉପରକୁ ଡକାଯାଇଥିଲା । ସୁନୀଲ ଛେତ୍ରି ଟ୍ରଫି ନେବା ପାଇଁ ମଞ୍ଚ ଉପରକୁ ଆସିଥିଲେ । ଟ୍ରଫି ନେବା ପରେ ଫଟୋ ସେସନ ସମୟରେ ଗଭର୍ଣ୍ଣର ଗଣେଶନ ସୁନୀଲ ଛେତ୍ରୀଙ୍କ ପଛରେ ରହିଯାଇଥିଲେ । ତେଣୁ ଫଟୋ ଉଠାଇବା ପାଇଁ ଗଣେଶନ ସୁନୀଲ ଛେତ୍ରୀଙ୍କୁ ସାଇଡ ହେବା ପାଇଁ କହିଥିଲେ ।

ଛେତ୍ରୀଙ୍କ ପ୍ରତି ରାଜ୍ୟପାଳଙ୍କ ଏଭଳି ବ୍ୟବହାରର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବେଙ୍ଗାଲୁରୁ ଏଫସି ଅଧିନାୟକ ତଥା ଭାରତୀୟ ଫୁଟବଲ ଟିମର ଅଧିନାୟକ ସୁନୀଲ ଛେତ୍ରୀଙ୍କ ସହିତ ପଶ୍ଚିମବଙ୍ଗର ରାଜ୍ୟପାଳଙ୍କର ଏମିତି ବ୍ୟବହାର ଦେଖି ପ୍ରଶଂସକ ଅସନ୍ତୋଷ ପ୍ରକାଶ କରିଛନ୍ତି । ପଶ୍ଚିମବଙ୍ଗ ରାଜ୍ୟପାଳଙ୍କ ଏଭଳି ଭିଡିଓ ଉତ୍ତୋଳନ ହେବା ପରେ ଏହାକୁ ସୋସିଆଲ ମଡିଆରେ ଟ୍ରୋଲ୍‌ କରାଯାଉଛି ।

ଫ୍ୟାନ୍ସ ସୋସିଆଲ ମିଡିଆରେ ଏହି ଭିଡିଓକୁ ସେୟାର କରି ଅଧିକାରୀଙ୍କୁ କ୍ଷମା ମାଗିବା ପାଇଁ କହିଛନ୍ତି । ୟୁଜର୍ସଙ୍କ କହିବା କଥା କି ଖେଳାଳିମାନଙ୍କୁ ସମ୍ମାନ କରିବା ଦରକାର । ସୁନୀଲ ଛେତ୍ରୀ ଏକୁଟିଆ ନଥିଲେ ଯାହାଙ୍କ ସହିତ ଏଭଳି ଘଟଣା ଘଟିଛି । ତାଙ୍କ ଛଡା ବେଙ୍ଗାଲୁରୁ ପାଇଁ ଗୋଲ କରିଥିବା ଶିବଶକ୍ତି ନାରାୟଣଙ୍କୁ ମଧ୍ୟ ଟ୍ରଫି ଦେବା ସମୟରେ ଆୟୋଜକ ଅଧିକାରୀମାନେ ଧକ୍କା ଦେଇ ସାଇଡ କରିଥିବା ଘଟଣା ନଜର ଆସିଛି ।